️تالعاردا تابيعي سيپاتتاعى توتەنشە جاعداي جاريالاندى، - دەپ حابارلايدى اlmaty-akshamy.kz.
الماتى وبلىسىنىڭ تالعار اۋدانىندا بۇگىننەن باستاپ تابيعي سيپاتتاعى توتەنشە جاعداي رەجيمى ەنگىزىلدى. قاۋىپسىزدىك ماقساتىندا ىلە-الاتاۋ ۇلتتىق تابيعي پاركىنىڭ اۋماعىنا بارۋعا شەكتەۋ قويىلدى. تابيعاتتىڭ توسىن مىنەزىنەن الماتىلىقتار دا ابىگەرگە ءتۇسىپ وتىر. ماسەلەن، كەشەدەن بەرى تولاسسىز جاۋعان جاۋىننان كوكقاينار ىقشام اۋدانى تۇرعىندارىنان مازا قاشقان. سەبەبى جەر ۇيلەردىڭ ماڭىنان وتەتىن شاعىن وزەن ارناسىنان اسىپ، باسپانالاردىڭ ىشىنە دەيىن كىرىپ كەتكەن.
كوكقاينارلىقتاردىڭ ايتۋىنشا، ماسەلەنى اۋدان، قالا اكىمى، ءتىپتى ءماجىلىس دەپۋتاتتارى دا بىلەدى. الايدا ەكى جىلدان اسسا دا ەشكىم ماسەلەنى شەشۋگە اسىعار ەمەس. سونىڭ كەسىرىنەن، تۇرعىندار ۇيگە جوندەۋ جۇمىستارىن جۇرگىزۋدەن قورقىپ قالعان.
"نەگىزى 16 ساۋىردە سۋ الدى بۇل ءۇيدى. كەپتىرە سالىپ ۇيگە رەمونت جاساي باستاعانبىز. مامىردىڭ 16-سى كۇنى ءۇيدى قايتادان سۋ الدى. سونىمەن توقتاتىپ قويدىق. قالاي جاۋىن بولادى مىنا جەردىڭ بارلىعى ءۇيدىڭ اناۋ تەرەزەنىڭ استىنا دەيىن سۋ لىق تولادى. تجم ويبايلاپ جاتاسىڭ 1-1،5 ساعات دەگەندە ءبىر ەكى ماشينا بولەدى. ولار وزەننىڭ جانىنداعى ۇيلەردى تارتا باستايدى. مىنا جەرگە كەلمەيدى"، - دەدى كوكقاينار ىقشام اۋدانىنىڭ تۇرعىنى رايحان سارىبايەۆ.