22-28 ءساۋىر ارالىعىندا «الماتى - ءبىزدىڭ ورتاق ءۇيىمىز» ناۋقانى اياسىندا جاريالانعان «تازا قاسبەتتەر» اكسياسىنا قالا كاسىپكەرلەرى قوسىلدى.
بۇگىنگى تاڭدا 1600-دەن استام كوممەرسيالىق ۇيىمدار، سونىڭ ىشىندە ونەركاسىپتىك كاسىپورىندار، ءىرى ساۋدا ورتالىقتارى، بو، قوناق ۇيلەر، بازارلار، سۋپەرماركەتتەر، ءدارىحانالار، ازىق-تۇلىك دۇكەندەرى جانە ت.ب. ءوز نىساندارىنىڭ قاسبەتتەرىن تازارتتى، تەرەزەلەر مەن ۆيتراجداردى جۋدى، ماڭدايشالار مەن بيلبوردتاردى رەتكە كەلتىردى، قوقىستاردى الىپ تاستادى جانە ىرگەلەس اۋماقتاردى اباتتاندىردى.
بوستاندىق اۋدانىندا سانيتارلىق تازالاۋ جۇمىستارىن 131 بيزنەس سۋبەكتىسى جۇرگىزدى (Esentai Mall، «Forum»، «دانا»، ادك، «الما-اتا»، «اتاكەنت» كقكو، «قيال الەمى اييا» ويىن-ساۋىق ورتالىعى، Nurikon، «اۆەنيۋ»، Bayzak جانە ت. ب.)، مەدەۋ اۋدانىندا – 205 («Lotte-راحات»، Dostyk Plaza، «ريتس سارايى»، Ramstore All Inn، «ەۋرازيا»، «مەگاتاۋ»، Aport East، Life Town، Silk Way Passage، گۋم، جاسىل بازار، Parmigiano Group، كوك توبە پاركى، «قازاقستان» قوناق ءۇيى، Grand Mildom، Shera Inn Hotel، City Park Hotel، اراسان، Royal Club Fitness جانە ت. ب.)، تۇركسىب اۋدانىندا – 200-دەن استام (الماتى حالىقارالىق اۋەجايى، «الماتى-1» تەمىرجول ۆوكزالى، «الليۋر اۆتو»، «قازفەرروستال»، ازمك، «تۇركسىب جارمەڭكەسى» بازارى، «التاي» بازارى، «شين-لاين» جانە ت. ب.)، جەتىسۋ اۋدانىندا – 200-دەن استام («اسفالتبەتون-1»، «تەمىربەتون»، «الماتىليفت»، «مەرەي» ترك، MedRemZavod، Zeta Plast،Carlsberg، Karina paper جانە ت. ب.)، اۋەزوۆ اۋدانىندا – 310 (MOSKVA سوو، Car City، «ارىستان» بازارى، «دوستار مەد» مەديسينالىق ورتالىعى، Qaganat اسحاناسى، جالبىز لاۋندج-بارى، Big Doner كافەسى جانە ت. ب.)، الاتاۋ اۋدانىندا – 300-دەن استام (Small، «ماي – دەل»، SCT Service، «نۇرلى تۇران»، «اراگۆي» كافەسى جانە ت. ب.)، ناۋرىزباي اۋدانىندا-180-دەن استام (Ala Estate شاعىن ونەركاسىپتىك پاركىندەگى كومپانيالار، Swissotel Wellness resort ALATAU، «اليانس» ج ش س، Top cleaning، «زۆەزدنايا» جانە ت. ب.)، المالى اۋدانىندا-100-گە جۋىق (Eurasian Foods Corporation، Coca Cola Almaty Bottlers، Uchet.kz، Recycle Birge، «RTS Decor» جانە ت.ب.).
«تازا قاسبەتتەر» اكسياسى الماتىدا اعىمداعى جىلدىڭ 28 ساۋىرىنە دەيىن جالعاسادى. بيزنەس وبەكتىلەرىنەن باسقا، ول كوممۋنالدىق مەنشىكتەگى اكىمشىلىك عيماراتتاردىڭ (مەملەكەتتىك وبەكتىلەر) جانە جەكە تۇرعىن ۇيلەردىڭ (پيك، وسي) قاسبەتتەرىن تازالايدى.
الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسىندا اباتتاندىرۋ قاعيدالارىنىڭ 148-تارماعىنا سايكەس «قاراماعىندا عيماراتتار مەن قۇرىلىستار ورنالاسقان كاسىپورىندار مەن ۇيىمداردىڭ باسشىلارى، عيماراتتار مەن قۇرىلىستاردىڭ يەلەرى اتالعان وبەكتىلەردىڭ قاسبەتتەرىن جانە ولاردىڭ جەكەلەگەن ەلەمەنتتەرىن (بالكوندار، لودجيالار، سۋاعار قۇبىرلارى جانە ت. ب.) قالپىنا كەلتىرۋ، جوندەۋ جانە سىرلاۋ جونىندەگى جۇمىستاردىڭ ۋاقتىلى جۇرگىزىلۋىن قامتاماسىز ەتۋى قاجەت دەپ ەسكەرتەدى)، سونداي-اق قاسبەتتەردە ورنالاسقان اقپاراتتىق تاقتالاردى، ەستەلىك تاقتالاردى تازا جانە جارامدى كۇيدە ۇستاۋ».
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.