الماتى وبلىستىق ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى وڭىردە ساياجاي الاپتارىنىڭ توراعالارىمەن پروفيلاكتيكالىق اڭگىمەلەر جۇرگىزدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«وزدەرىڭىز بىلەتىندەي، ەسىرتكى زەرتحانالارى كوبىنەسە شارۋا قوجالىقتارى، ساياجايلار، قاراۋسىز قالعان فەرمالار، باۋ-باقشا سەرىكتەستىكتەرى سياقتى شالعاي اۋماقتاردا ورنالاسادى. وسىعان بايلانىستى، پوليسيا قىزمەتكەرلەرى وسى ۋچاسكەلەردە تۇراقتى نەگىزدە پىسىقتاۋ شارالارىن جۇزەگە اسىرادى. ساياجاي الاپتارىندا تۇراتىن تۇرعىندارعا ساياجاي ۇيلەرىن جالعا العان كۇدىكتى ادامدار تۋرالى ساۋالناما جۇرگىزەدى»، – دەدى پد ەسىرتكى قىلمىسىنا قارسى ءىس-قيمىل باسقارماسى باستىعىنىڭ م.ا. ارداق قايساروۆ.
ساياجاي مەن باۋ-باقشا كووپەراتيۆتەرىنىڭ ءتوراعالارىنا ادەتتە ەسىرتكى وندىرەتىن ورىنداردان قانداي ەرەكشە ءيىس شىعاتىنى، سونداي-اق ولاردىڭ الاڭداۋشىلىعىن تۋدىرۋى مۇمكىن باسقا فاكتورلار تۋرالى ايتىلدى. ءوز كەزەگىندە قاتىسۋشىلار كۇدىكتى ادامداردى نەمەسە اۆتوكولىكتەردى بايقاعان جاعدايدا قۇقىق قورعاۋ ورگاندارىنا دەرەۋ حابارلاۋعا ۋادە بەردى.
ەستەرىڭىزگە سالا كەتەيىك، اعىمداعى جىلدىڭ 1 توقسانىندا 5 ەسىرتكى زەرتحاناسى انىقتالدى، ونىڭ ىشىندە 3ء-ى سينتەتيكالىق ەسىرتكى قۇرالدارىن دايىنداۋ بويىنشا (ىلە اۋدانىندا) جانە 2ء-ى قۇرامىندا ەسىرتكى زاتى بار وسىمدىكتەردى ءوسىرۋ بويىنشا (ەڭبەكشىقازاق جانە تالعار اۋداندارىندا) انىقتالدى. زاڭسىز اينالىمنان 193 كەلىدەن استام ءتۇرلى ەسىرتكى، ونىڭ ىشىندە 120 كەلىدەن استام سينتەتيكالىق ەسىرتكى تاركىلەنىپ، جويىلدى.