الماتى قالاسىنىڭ توتەنشە جاعدايلار دەپارتامەنتى مەن ق. ساتبايەۆ اتىنداعى قازاق عىلىمي-زەرتتەۋ تەحنيكالىق ۋنيۆەرسيتەتى اراسىندا قول قايىلعان ىنتىماقتاستىق تۋرالى مەموراندۋم شەڭبەرىندە، ساتبايەۆ ۋنيۆەرسيتەتى توتەنشە جاعدايلار دەپارتامەنتىنە 7 باللعا دەيىنگى كولدەنەڭ جانە تىك جەر سىلكىنىستەرىن يميتاسيالايتىن ءموبيلدى جەر سىلكىنىسى سيمۋلياتورىن ازىرلەدى.
جەر سىلكىنىسى ترەناجەرى توتەنشە جاعدايلار دەپارتامەنتىنە اقىسىز نەگىزدە بەرىلدى، دەپ حابارلايدى Almaty-akshamy.kz توتەنشە جاعدايلار مينيسترلىگىنە سىلتەمە جاساپ.
«بارشاعا ءمالىم، الماتى قالاسى سەيسميكالىق بەلسەندى ايماقتا ورنالاسقان، سوندىقتان قالا حالقى توتەنشە جاعدايلارعا دايىن بولۋى، ءوزىن-وزى قۇتقارۋ جونىندەگى ءىس-قيمىلداردى الدىن الا ءبىلۋى ءتيىس.
ازىرلەنگەن ءموبيلدى ترەناجەر جەر تەربەلىسىن شىنايى تۇردە ورناتىپ حالىقتى جەر سىلكىنىسى كەزىندەگى ۇرەيسىز، ناقتى دۇرىس ىس-ارەكەتتەرگە جاساۋدى ۇيرەتەدى. كولدەنەڭ جانە تىك جەر تەربەلىسىندە كەزىندە قانداي ىس-قيمەلمەن دەن قويۋعا تۇسىنۋگە بولادى. عيمارات قيسايعان كەزدە ادام كەڭىستىكتەگى باعدارىن ابدىراپ قالىپ، نە ىستەرىن بىلمەي قالادى. قيىن جاعدايدا وزىڭىزگە جانە جاقىندارىڭىزعا كومەكتەسۋ ءۇشىن بۇل قۇبىلىستى ءوزىڭىز سەزىنۋىڭىز قاجەت»، - دەپ تجد باستىعى نۇرلان اتىعايەۆ ءوز پىكىرىمەن ءبولىستى.
سيمۋلياتور توتەنشە جاعدايلار دەپارتامەنتىنىڭ قالالىق وقىتۋ كۋرستارىندا جانە الماتى قالاسى بويىنشا كوشپەلى ساباقتاردا قولدانىلاتىن بولادى، وسىلايشا حالىققا توتەنشە جاعدايداعى مىنەز-قۇلىق داعدىلارىن ماشىقتايدى.
توتەنشە جاعدايلار دەپارتامەنتىنىڭ ۇجىمى ساتبايەۆ ۋنيۆەرسيتەتىنە توتەنشە جاعدايلاردىڭ الدىن الۋ مەن جويۋعا سۇبەلى ۇلەس قوسقان ءۇشىن العىس بىلدىرەدى.