اقساي-5 شاعىناۋدانى، 25 ءۇي ماڭىنا زاڭسىز سالىنعان قوسالقى نىسان ءسۇرىلدى، - دەپ حابارلايدى aqshamnews.kz ءتىلشىسى الماتىنىڭ قالا قۇرىلىسىن باقىلاۋ باسقارماسىنا سىلتەمە جاساپ.
بۇعان دەيىن «Ozyurt» ج ش س يەسىنە قاتىستى جوسپاردان تىس تەكسەرۋ جۇرگىزىلگەن.
تەكسەرۋ ناتيجەسىندە تۇرعىن ەمەس عيماراتقا قوسالقى نىسان رۇقساتسىز شارۋاشىلىق ادىسىمەن سالىنعانى انىقتالدى. مەنشىك يەسىنە قاتىستى اكىمشىلىك شارالار قولدانىلىپ، ماتەريالدار الماتى قالاسىنىڭ اكىمشىلىك قۇقىق بۇزۋشىلىقتار بويىنشا مامانداندىرىلعان اۋدانارالىق سوتىنا پروسەسسۋالدىق شەشىم قابىلداۋ ءۇشىن جولدانعان.
2025 جىلى 21 اقپاندا سوتتىڭ شەشىمىمەن مەنشىك يەسى زاڭسىز سالىنعان قۇرىلىس ءۇشىن جاۋاپكەرشىلىككە تارتىلىپ، ءماجبۇرلى تۇردە بۇزۋ جونىندە شەشىم شىعارىلعان ەدى.
بۇگىن قالالىق ادىلەت دەپارتامەنتى سوت ورىنداۋشىلارىنىڭ قاتىسۋىمەن نىسان ءسۇرىلىپ، سوت شەشىمى ورىندالدى.