2026 جىلعى اقپان العاشقى اپتاسى جەكسەنبىدەن باستالادى. بۇل ايدا قازاقستاندىقتاردى 20 جۇمىس كۇنى جانە 8 دەمالىس كۇنى كۇتىپ تۇر. مەرەكەگە بايلانىستى قوسىمشا دەمالىس قاراستىرىلماعان – حالىق تەك سەنبى مەن جەكسەنبىدە عانا دەمالادى. اقپاندا تاعى قانداي ماڭىزدى جاڭالىقتار مەن وزگەرىستەر بار؟ اqshamnews.kz ءتىلشىسىنىڭ ماتەريالىنان وقىڭىز.
جەكە كاسىپكەرلەر سالىق رەجيمىن تاڭدايدى
2026 جىلعى 1 ناۋرىزعا دەيىن جەڭىلدەتىلگەن دەكلاراسيادا قالعىسى كەلەتىن جەكە كاسىپكەرلەر سالىق ورگانىنا حابارلاما تاپسىرۋعا ءتيىس. ەگەر حابارلاما بەرىلمەسە، كاسىپكەرلەر اۆتوماتتى تۇردە جالپىعا بىردەي سالىق رەجيمىنە اۋىستىرىلادى.
ال 2026 جىلعى 1 قاڭتارعا دەيىن پاتەنتپەن نەمەسە ارنايى ءموبيلدى قوسىمشا ارقىلى جۇمىس ىستەگەندەر ءوزىن-وزى جۇمىسپەن قامتىعاندار رەجيمىنە وتە الادى. بۇل فورماتتا جك رەتىندە تىركەلمەي-اق جۇمىس ىستەۋگە بولادى. رەجيمنىڭ باستالعان كۇنى – قوسىمشادا العاشقى چەك قالىپتاستىرىلعان كۇن بولىپ ەسەپتەلەدى. جك رەتىندە ەسەپتەن 1 قاڭتاردان باستاپ ءوز ەركىمەن شىعۋعا نەمەسە 1 ناۋرىز 2026 جىلى اۆتومات تۇردە شىعۋدى كۇتۋگە بولادى.
جەڭىلدەتىلگەن رەجيمنىڭ جاڭا ەرەجەلەرى
بۇرىن بولشەك سالىق نەمەسە جەڭىلدەتىلگەن دەكلاراسيا قولدانعان جەكە كاسىپكەرلەر جەڭىلدەتىلگەن رەجيمدە جۇمىسىن جالعاستىرا الادى، ءبىراق جاڭا تالاپتاردى ەسكەرۋ كەرەك.
ەندى تابىس شەگى 600 000 اەك (شامامەن 2 ملرد 595 ملن تەڭگە) بولىپ بەلگىلەندى. بازالىق مولشەرلەمە 4%، قاجەت بولعان جاعدايدا 2%-عا تومەندەپ، نە 6%-عا جوعارىلاۋى مۇمكىن. وسى رەجيمدى قولدانۋ ءۇشىن 2026 جىلعى 28 اقپانعا دەيىن رەجيمدى قولدانۋ تۋرالى حابارلاما بەرۋ كەرەك. ال شارۋا جانە فەرمەر قوجالىقتارى ءۇشىن ارنايى رەجيم قاراستىرىلعان. وعان كوشۋ اۆتومات تۇردە جۇزەگە اسادى.
جەڭىلدەتىلگەن سالىق رەجيمىمەن جۇمىس ىستەيتىن جەكە كاسىپكەرلەر 2025 جىلدىڭ ەكىنشى جارتىجىلدىعى ءۇشىن 910-فورمانى 2026 جىلعى 15 اقپانعا دەيىن تاپسىرۋى قاجەت. ەسەپتەلگەن سالىقتاردى 2026 جىلعى 25 اقپانعا دەيىن تولەۋ كەرەك.
بۇل تالاپ وزگەرىسسىز قالىپ، ق ر جاڭا سالىق كودەكسىندە بەكىتىلگەن.
ق ر ازاماتتىعىنا ۇمىتكەرلەرگە ەمتيحانعا ءوتىنىش قابىلداۋ باستالادى
قازاقستان ازاماتتىعىن الۋعا ۇمىتكەرل ەر ءۇشىن تەستىلەۋگە ءوتىنىش قابىلداۋ 3–10 اقپان ارالىعىندا وتەدى. ءوتىنىشتى ۇلتتىق تەستىلەۋ ورتالىعىنىڭ سايتىندا بەرۋگە بولادى. تەستىلەۋدىڭ ءوزى 11 اقپاندا وتەدى.
ەمتيحان 3 بولىمنەن تۇرادى:
-
قازاق تىلىنەن تەست،
-
ق ر كونستيتۋسياسىنىڭ نەگىزدەرى بويىنشا تەست (قازاقشا نەمەسە ورىسشا)،
-
قازاقستان تاريحىنان تەست (قازاقشا نەمەسە ورىسشا).
تاپسىرمالارعا بەرىلەتىن ۋاقىت – 2 ساعات 10 مينۋت، تەست قۇنى – 14 693 تەڭگە.
"ۇلتتىق قور – بالالارعا": اقپاندا ءۇشىنشى تولەم جاسالادى
2026 جىلعى 1 اقپانعا دەيىن قازاقستاندىق بالالارعا "ۇلتتىق قور – بالالارعا" باعدارلاماسى اياسىندا ءۇشىنشى رەت تولەم ەسەپتەلەدى. بۇل – 2025 جىل ءۇشىن بەرىلەتىن قاراجات. ونى 2025 جىلعى 31 جەلتوقساندا 18 جاسقا تولماعان قازاقستان ازاماتتارىنىڭ بارلىعى الادى.
تولەمنىڭ ناقتى كولەمى ازىرگە بەلگىسىز: ول بالالار سانىنا جانە ۇلتتىق بانكتىڭ ۇلتتىق قوردان بولىنەتىن قاراجات كولەمى تۋرالى دەرەكتەرىنە بايلانىستى بولادى. مىسالى، 2024 جىلى بالالارعا $100،52، ال 2025 جىلى $129،38 ەسەپتەلگەن.
بۇل قاراجاتتى ماقساتتى جيناق شوتىنان 18 جاسقا تولعان سوڭ عانا تۇرعىن ءۇي جاعدايىن جاقسارتۋعا نەمەسە ءبىلىم اقىسىن تولەۋگە پايدالانۋعا بولادى.
ءبىرىنشى سىنىپ وقۋشىلارى دەمالادى
8 قاڭتاردا مەكتەپ وقۋشىلارى ءۇشىنشى توقساندى باستاپ، وقۋ 10 اپتاعا سوزىلادى. ءبىراق 1-سىنىپ وقۋشىلارىنا قوسىمشا دەمالىس بەرىلەدى: 2026 جىلعى 9–15 اقپان ارالىعى. بۇل 7 كۇن بالالاردىڭ كۇش جيناپ، وقۋىن جالعاستىرۋى ءۇشىن قاجەت.
ال جالپى مەكتەپ وقۋشىلارى ءۇشىن كوكتەمگى دەمالىس 19–29 ناۋرىز ارالىعىندا بولادى.
قاڭتارداعى ۇبت اياقتالادى
ۇلتتىق ءبىرىڭعاي تەستىلەۋ 10 اقپانعا دەيىن جالعاسادى. عىلىم جانە جوعارى ءبىلىم مينيسترلىگىنىڭ مالىمەتىنشە، ۇبت-عا قاتىسۋعا شامامەن 187 مىڭ ادام ءوتىنىش بەرگەن. ولاردىڭ 75،2%-ى ەمتيحاندى قازاق تىلىندە تاپسىرۋدى تاڭداعان.
قازاقستاندىق فايتەر UFCء-دىڭ ەكس-چەمپيونىمەن كەزدەسەدى
قازاقستاندىق ارالاس جەكپە-جەك شەبەرى اسۋ المابايەۆ UFCء-دىڭ جەڭىل سالماقتاعى رەيتينگى بويىنشا 4-ورىنداعى، بۇرىنعى چەمپيون برەندون مورەنومەن جۇدىرىقتاسادى. جەكپە-جەك 2026 جىلعى 28 اقپاندا مەكسيكادا وتەدى.
31 جاستاعى المابايەۆ ءقازىر رەيتينگتە 7-ورىندا. ەگەر مورەنونى جەڭسە، UFCء-دىڭ ۇزدىك بەستىگىنە كىرۋگە مۇمكىندىك الادى.
الەم جاڭالىقتارى: قىسقى وليمپيادا وتەدى
XXV قىسقى وليمپيادا ويىندارى 6–22 اقپان ارالىعىندا يتاليادا – ميلان مەن كورتينا-د’امپەسسودا وتەدى.
الدىن الا مالىمەت بويىنشا، قازاقستاننان وليمپياداعا شامامەن 35 سپورتشى بارادى. قازىرگى تاڭدا ليسەنزيا كوپ جينالعان سپورت تۇرلەرى: كونكيمەن جۇگىرۋ، شورت-ترەك جانە شاڭعى جارىسى. سونىمەن قاتار قازاقستان مانەرلەپ سىرعاناۋ، فريستايل، بياتلون، ترامپليننەن شاڭعىمەن سەكىرۋ، شاڭعى قوسسايىسى جانە تاۋ شاڭعىسى بويىنشا دا قاتىسادى.
قازاقستان تۋىن اشىلۋ سالتاناتىندا شورت-ترەك سپورتشىلارى دەنيس نيكيشا مەن يانا حان الىپ شىعۋى مۇمكىن – ولار قازىرگى قۇرامداعى ەڭ تاجىريبەلى ءارى تۇراقتى سپورتشىلاردىڭ ءبىرى.
مينيسترلىكتىڭ رەسمي دەرەگىنشە، قازاقستان قۇراماسىن وليمپياداعا دايىنداۋعا شامامەن 13،2–13،3 ملرد تەڭگە بولىنگەن. بۇل قارجى رەسپۋبليكالىق جانە جەرگىلىكتى بيۋدجەتتەردەن، فەدەراسيالاردان، سونداي-اق تۋريزم مەن سپورت يندۋسترياسىن قولداۋ قورىنان جۇمسالعان.