مەگاپوليس اكىمى باقىتجان ساعىنتايەۆ «الماتى» تا-داعى Akimat Live باعدارلاماسىنىڭ تىكەلەي ەفيرىندە تاۋ شاڭعىسى مەكتەبىنىڭ جۇمىسى جانە «شىمبۇلاقتا» شاڭعى تەبۋدىڭ باستالۋى تۋرالى ايتتى دەپ حابارلايدى almaty-akshamy.kz
الماتىدا تاۋ شاڭعىسى ماۋسىمىن ءداستۇرلى تۇردە «شىمبۇلاق» كۋرورتى اشادى. 14 قاراشادان باستاپ قارلى بەتكەيلەردە شاڭعى تەبۋگە بولادى. جوندەلگەن تاۋ شاڭعىسى مەكتەبى مەن Shymbulak Resort Hotel قوناق ءۇيىنىڭ اشىلۋى بىرنەشە كۇن بۇرىن 9 جانە 10 قاراشادا وتەدى.
«شىمبۇلاق» تاۋ شاڭعىسى كۋرورتىنىڭ قىسقى ماۋسىمىنىڭ اشىلۋىنا دايىندىعى ءجۇز پايىز، دەپ حابارلادى اكىمشىلىك. شاڭعىشىلار مەن سنوۋبوردشىلار ءۇشىن جولدار كۇندىز دە، تۇندە دە قايتادان قولجەتىمدى بولادى.
20 قاراشاعا قاراي تالعار اسۋىنان تۇنگى سىرعاناۋ وتكىزىلەتىن «تالعار» تراسساسىنا قوسىمشا جارىقتاندىرۋ جۇمىستارىن جۇرگىزۋ جوسپارلانۋدا. ونىڭ ۇزىندىعى 3 640 مەتردى قۇرايدى، ال جارىقتاندىرۋ الاڭى ەكى ەسە ارتادى.
حابارلانعانداي، وتاندىق «شىمبۇلاق» تاۋ شاڭعىسى كۋرورتى تمد جانە ورتالىق ازياداعى ەڭ ۇزىن جارىقتاندىرىلعان تراسسانىڭ يەسى بولىپ تابىلادى. ال الماتى تاۋ شاڭعىسى ينفراقۇرىلىمىنىڭ اپگرەيدەرلەرىن بارلىق نيەت بىلدىرۋشىلەر كورە الادى، ويتكەنى مۇندا جاڭادان كەلگەندەر ءۇشىن دە، تاجىريبەلى شاڭعىشىلار ءۇشىن دە بارلىق جاعداي جاسالعان. جابدىقتاردى جالعا بەرۋ پۋنكتى، نۇسقاۋشىلار جۇمىس ىستەيدى، سونىمەن قاتار تۋريستەرگە ءتۇرلى قىسقى ويىن-ساۋىق ۇسىنىلادى.
بۇدان باسقا، «شىمبۇلاق» تك -دا ءبىرىڭعاي ماۋسىمدىق سكي-پاسسالار باسقاشا ايتقاندا، كۋرورت قىزمەتتەرىن پايدالانۋعا بولاتىن ابونەمەنت ۇسىنىلادى.
سكي-پاسسالاردى (ءبىرىڭعاي ابونەمەنتتەردى) ساتۋ 28 تامىزدان باستاپ ىسكە قوسىلدى، ولاردى ساتىپ الۋ قىسقى ماۋسىم بويى «شىمبۇلاق» تك جانە «Oi-Qaragai» تك ەش كەدەرگىسىز بارۋعا مۇمكىندىك بەرەدى.
مۇنداي ءونىمدى جاساۋ – ءبىرىنشى كەزەڭ. بيۋدجەتتى ءبولۋدىڭ ءادىل جۇيەسى بولاشاقتا جوباعا الماتى مەن الماتى وبلىسىنىڭ باسقا دا كۋرورتتارىنا قوسىلۋعا مۇمكىندىك بەرەدى.
سكي-پاسستار يەلەرى 38 تاۋ تراسساسىنىڭ 45 شاقىرىمىندا سىرعاناي الادى، ءليميتسىز 19 كوتەرگىشتى پايدالانادى، مەيرامحانالار مەن مەيمانحانالاردا بونۋستار الا الادى. ابونەمەنتتە قوسىمشا ەكى كۋرورتتا دا تەگىن تۇراق بار.
شىمبۇلاقتا قىسقى ماۋسىمنىڭ باستالۋىنا وراي تاۋ شاڭعىسى مەكتەبى كۇردەلى جوندەۋدەن ءوتتى. 9 قاراشادا بارلىق تىلەك بىلدىرۋشىلەر 3 جاستان اسقان بالالار مەن ەرەسەكتەرگە ارنالعان وقۋعا جازىلا الادى. جاتتىعۋدى سنوۋبورد پەن تاۋ شاڭعىسى بويىنشا تاجىريبەلى سۋپەرۆايزەرلەر جۇرگىزەدى.
«شىمبۇلاق» تك حابارلاعانداي، مەكتەپتى رەكونسترۋكسيالاعان سوڭ ءبىر تەرەزە قاعيداتى تۇجىرىمداماسى ەنگىزىلدى، سونداي-اق كەلۋشىلەردى كوبىرەك قامتي الاتىن نۇسقاۋشىلاردىڭ سانى ارتتى.
تاۋ شاڭعىسى مەكتەبىندە قوسىمشا جابدىقتاردى جالعا الۋ، دۇكەن اشىلادى، قوسىمشا لوكەرلەر، بالالار كلۋبى، سپورتتىق شاڭعى كلۋبى پايدا بولادى. سونىمەن قاتار، اۋماقتا تانىمال تاعامدار ورىندار مەن كوفەحانالار جەلىسى اشىلادى.
سونداي-اق، الماتى تۇرعىندارى مەن قوناقتارىن رەكونسترۋكسيالانعان Shymbulak Resort Hotel ەكىنشى قاباتىنىڭ 10 قاراشادا بولاتىن اشىلۋىنا شاقىرادى. ال، تاۋ پەيزاجدارى مەن بەلسەندى دەمالىستى ۇناتاتىندار قىلقان جاپىراقتى اعاشتار اراسىندا ورناتىلعان «مەدەۋ» ستانسياسىنىڭ ارقان پاركىن پايدالانا الادى نەمەسە ەڭ از دايىندىقپەن تۋريستەر ءۇشىن ەسەپتەلگەن ۇزىندىعى 4 300 مەتر «دەنساۋلىق جولىمەن» جۇرە الادى.