Akimat Live باعدارلاماسىنىڭ تىكەلەي ەفيرى كەزىندە مەگاپوليس اكىمى باقىتجان ساعىنتايەۆ حابارلاعانداي، تەگىن ساباقتارمەن 40 مىڭعا جۋىق بالانى قامتۋ جوسپارلانۋدا دەپ حابارلايدى almaty-akshamy.kz
الماتى اكىمدىگى بيىلدان باستاپ بالالاردىڭ سپورت سەكسيالارىنداعى ساباقتارىنا اقى تولەيتىن بولادى. بۇل ماقساتقا 1،5 ميلليارد تەڭگە ءبولىندى، بارلىعى 40 مىڭعا جۋىق بالانى قامتۋ جوسپارلانۋدا.ونىڭ ۇستىنە، بالانىڭ قالاۋى بويىنشا سپورت ءتۇرىن تاڭداۋعا بولادى.
بۇل مەملەكەتتىك سپورتتىق تاپسىرىس بويىنشا جان باسىنا نورماتيۆتىك قارجىلاندىرۋدى ەنگىزۋ ارقاسىندا مۇمكىن بولدى.
تەگىن سەكسيالارعا 4 جاستان 18 جاسقا دەيىنگى بالالار قاتىسا الادى جانە 71 سپورت ءتۇرىنىڭ ءبىرىن تاڭداۋعا بولادى. ۇيدەن شىقپاي-اق، پلاتفورما ارقىلى ەڭ قولايلى سەكسيانى artsport.edu.kz. پلاتفورماسى ارقىلى تاڭداۋعا بولادى. مۇنى اتا-انالاردىڭ وزدەرى سايتقا تىركەلۋ ارقىلى جاساي الادى.
قازىرگى كەزدە 24 مىڭ ءوتىنىش بەرۋشىگە تەگىن ساباقتارعا ۆاۋچەرلەر بەرىلدى، 26 سپورت ءتۇرى بويىنشا 18 630 بالا ساباقتى بستادى. ەڭ كوپ سۇرانىسقا يە فۋتبول، تاەكۆوندو، كاراتە، ءجۇزۋ جانە دزيۋدو سەكسيالارى.
ايتا كەتەرلىگى، بۇگىندە سەكسيالارداعى ساباقتار ءۇشىن مەملەكەت تاراپىنان جالپى سوماسى 141 ملن تەڭگە تولەندى. وڭىرلەر اراسىندا الماتى بولىنگەن قارجى بويىنشا ءبىرىنشى ورىندى يەلەنگەن جانە ناقتىلى اينالىساتىندار جونىندە دە ءبىرىنشى ورىندا.
ايتا كەتەرلىگى، الماتى اكىمى باقىتجان ساعىنتايەۆتىڭ تاپسىرماسى بويىنشا قالادا سپورتپەن اينالىسۋ ءۇشىن ينفراقۇرىلىم بەلسەندى دامۋدا.
قالادا 3 400-گە جۋىق سپورت نىساندارى، ونىڭ ىشىندە 12 ستاديون، سپورت سارايى، 14 سپورت كەشەنى جانە 12 سپورت عيماراتى جۇمىس ىستەيدى. سونداي-اق، مەگاپوليستە قۇراما كوماندالاردىڭ 5 وقۋ-جاتتىعۋ ورتالىعى، 3 شاڭعى بازاسى، 12 اتۋ ءتيرى، اتىس الاڭى، ۆەلوترەك، سەكىرۋگە ارنالعان ترامپلين، 6 حوككەي كورتى، كونكيمەن جۇگىرۋ ستاديونى، 2 671 تەگىس عيمارات، 102 تەننيس كورتى، يپپودروم، 10 سپورت مانەجى، 51 باسسەين، 483 سپورت زالى، 12 كىرىكتىرىلگەن سپورت زالى بار.
الماتىداعى جابىق سپورت نىساندارىنىڭ الاڭى 81 503 شارشى مەتردى قۇرايدى. ولاردى ۇلعايتۋ ءۇشىن اعىمداعى جىلى جەرگىلىكتى بيۋدجەت ەسەبىنەن قالانىڭ شەتىندە جالپى اۋدانى 38 مىڭ شارشى مەتر 6 دەنەشىنىقتىرۋ-ساۋىقتىرۋ كەشەنى مەن تەننيس ورتالىعى سالىنۋدا. ونىڭ جالپى وتكىزۋ قابىلەتى تاۋلىگىنە 5 250 ادامدى قۇرايدى، سپورت سەكسيالارىنىڭ سانى – 150.
قازىرگى كەزدە بيۋدجەتتەن تىس قارجى ەسەبىنەن بەس جاڭا سپورت نىسانىنىڭ قۇرىلىسى ءجۇرىپ جاتىر، ونىڭ ىشىندە دسك، ۇستەل تەننيسى ورتالىعى، كۇرەس كەشەنى. بۇدان باسقا، تەننيس ورتالىعىنىڭ قۇرىلىسى اياقتالدى. سپورتتىڭ 15 ءتۇرى بويىنشا 70-تەن استام سپورت سەكسيالارى اشىلاتىن بولادى.