الماتىدا «مەدەۋ» مۇز ايدىنىنىڭ مەرەيتويلىق ماۋسىمى باستالادى 

 مەگاپوليس اكىمى باقىتجان ساعىنتايەۆ «الماتى» تەلەارناسىنىڭ Akimat Live باعدارلاماسىنىڭ تىكەلەي ەفيرىندە «مەدەۋ» مۇز ايدىنىندا سىرعاناۋ ماۋسىمىنىڭ باستالعانىن مالىمدەدى  - دەپ حابارلايدى almaty-akshamy.kz

50ء-شى مەرەيتويلىق ماۋسىمنىڭ اشىلۋى 5 قاراشادا وتەدى. قالاداعى سانيتارلىق-ەپيدەميولوگيالىق احۋالدى ەسكەرە وتىرىپ، مۇز ايدىنىندا ءبىر مەزگىلدە 2 500-گە جۋىق ادام بولا الادى. مۇز ايدىنىنىڭ جوبالىق سىيىمدىلىعى – 8 600 ادام، ونىڭ 30%-ى – 2 580 ادام. 
 
«مەدەۋگە» كىرۋ تەك Ashyq قوسىمشاسى ارقىلى جۇزەگە اسىرىلادى. بيلەتتەردى تەك ونلاين رەجيمىندە ساتىپ الۋعا بولادى. 
 
بيىك تاۋلى مۇز ايدىنىنىڭ قىزمەتكەرلەرى ءوز قوناقتارىنا ءبىرقاتار جاعىمدى جاڭالىقتار دايىندادى. مىسالى، جاپپاي جانە مانەرلەپ سىرعاناۋدى ۇناتاتىندار مۇزداعى ءوز شەبەرلىكتەرىن جاڭا جارىقپەن بەزەندىرە الادى. سونىمەن قاتار، جالعا بەرۋ ايماعى وزگەردى. العاش رەت كونكيدى كەپىلسىز جالعا بەرۋ جۇيەسى ەنگىزىلدى. 

وتكەن جىلمەن سالىستىرعاندا سەانستەر ۇزارتىلدى  جانە 3 ساعاتقا ۇلعايدى. دەمالىس جانە مەرەكە كۇندەرى كەشكى سەانس ساعات 00.00-گە دەيىن ۇزارتىلدى. 7 جاسقا دەيىنگى بالالار، كوپبالالى وتباسىلاردىڭ بالالارى، بارلىق ساناتتاعى مۇگەدەكتەر مەن زەينەتكەرلەر تەگىن كىرۋ قۇقىعىنا يە. 

وقۋشىلار مەن ستۋدەنتتەر ءۇشىن بيلەت قۇنى بيىل وزگەرگەن جوق. مۇز ايدىنىنا بارعان كەزدە جۇمىس كۇندەرى تاڭعى سەانستاردا بالالار ءۇشىن بيلەت قۇنى 400 تەڭگە، ستۋدەنتتەر ءۇشىن – 600 تەڭگە. دەمالىس جانە مەرەكە كۇندەرى كەشكى سەانستارعا كىرۋ بيلەتتەرى ازاماتتاردىڭ باسقا ساناتتارى ءۇشىن 2 800 تەڭگە تۇرادى. 
 
ايتا كەتەرلىگى، ەندى قالا تۇرعىندارىنا تانىمال مۇز ايدىنىنا جەتۋ ىڭعايلى بولادى، قالا اكىمدىگىنىڭ باستاماسىمەن №12 اۆتوبۋستىڭ باعىتى ۇزاردى،ەندى سوڭعى اۆتوبۋس «مەدەۋدەن» قالاعا ساعات 00.30-دا شىعادى. 

بۇدان وزگە، «بالۋان شولاق سپورت سارايى – «مەدەۋ» مۇز ايدىنى باعىتى بويىنشا ەكسپرەسس اۆتوبۋستىڭ جۇمىسى قايتا جانداندى. باستاپقى كەزەڭدە ەكسپرەسس دەمالىس جانە مەرەكە كۇندەرى ساعات 9.00-دەن 19.00-گە دەيىن جۇرەدى، جول ءجۇرۋ قۇنى – 200 تەڭگە.

ايتا كەتەرلىگى، الماتى تۇرعىندارى اراسىندا بەلسەندى ءومىر سالتىنا دەگەن قىزىعۋشىلىق جىلدان -جىلعا ارتىپ كەلەدى. قالا اكىمدىگى ءتۇرلى جاستاعى ادامدار ءۇشىن تارتىمدى ورىنعا اينالاتىن كوپتەگەن سپورت الاڭدارىن اشادى.