الەۋمەتتىك جەلىلەردە جاسوسپىرىمدەردىڭ ەلەكتروساموكاتپەن ءال-فارابي داڭعىلى بويىمەن جوعارى جىلدامدىقتا جۇيتكىپ، ءوز ءومىرى مەن وزگەلەردىڭ قاۋىپسىزدىگىنە قاتەر توندىرگەن ءساتى تۇسىرىلگەن بەينەجازبا تارادى.
اتالعان دەرەككە بايلانىستى جەرگىلىكتى پوليسيا قىزمەتى تەكسەرىس جۇرگىزىپ، وقيعاعا قاتىسى بار ەكى ازاماتتى انىقتاپ، ۇستادى. ولاردىڭ ءبىرى – كامەلەت جاسىنا تولماعان ءجاسوسپىرىم. تەكسەرۋ بارىسىندا ەرەسەك ازاماتتىڭ جۇرگىزۋشى كۋالىگى جوق ەكەنى بەلگىلى بولدى. ول جول قوزعالىسى ەرەجەسىن ورەسكەل بۇزعانى ءۇشىن اكىمشىلىك جاۋاپكەرشىلىككە تارتىلدى. ال ءجاسوسپىرىمنىڭ اتا-اناسىنا قاتىستى ەكى قۇقىقبۇزۋشىلىق – اتا-انالىق مىندەتىن ءتيىستى دەڭگەيدە ورىنداماۋ جانە بالانىڭ تۇنگى ۋاقىتتا ەرەسەكتەردىڭ قاراۋىنسىز ءجۇرۋى بويىنشا شارا قولدانىلدى.
- مۇنداي ارەكەتتەرگە جول بەرىلمەيدى. ەلەكتروساموكاتپەن قاتتى جىلدامدىقتا ءجۇرۋ – تەك ءوز ومىرىنە عانا ەمەس، وزگەلەرگە دە ءقاۋىپ توندىرەدى. ءبىز مۇنداي زاڭبۇزۋشىلىقتارعا قاتاڭ شارا قابىلدايمىز. اتا-انالاردان بالالارىنا مۇقيات بولىپ، ولارعا كوشەدە ءقاۋىپسىز ءجۇرىس-تۇرىس ەرەجەلەرىن ءتۇسىندىرۋدى سۇرايمىز، – دەدى الماتى قالاسى پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى تيمۋر نوعايبايەۆ.
پوليسيا جولدىڭ – جوعارى ءقاۋىپ ايماعى ەكەنىن ەسكەرتىپ، ءاربىر ازاماتتى قاۋىپسىزدىك ەرەجەلەرىن ساقتاۋعا شاقىرادى.