16–30 تامىز ارالىعىندا شىمكەنت قالاسىندا نىسانا كوزدەۋ سپورتىنان ءوتىپ جاتقان XVI ازيا چەمپيوناتىندا قازاقستان قۇراماسى ءساتتى ونەر كورسەتۋدە.
ۇلتتىق قۇراما 9 مەدال ەنشىلەدى: 2 التىن، 1 كۇمىس جانە 6 قولا، دەپ حابارلايدى aqshamnews.kz.
قازاقستانعا العاشقى التىندى يسلام ساتپايەۆ سىيلادى. 10 مەترلىك پنيەۆماتيكالىق ۆينتوۆكا جاتتىعۋىنىڭ فينالىندا الماتى قالاسىنىڭ وكىلى، پاريج-2024 وليمپياداسىنىڭ قولا جۇلدەگەرى قىتايلىق جانە كورەيالىق قارسىلاستارىن ارتتا قالدىرىپ، ازيا چەمپيونى اتاندى.
جاسوسپىرىمدەر اراسىنداعى «سكيت» جاتتىعۋىندا تاعى ءبىر الماتىلىق سپورتشى ءارتوم سەدەلنيكوۆ التىن مەدال يەگەرى اتاندى. ول شەشۋشى سىندا ءۇندىستان سپورتشىلارىن باسىپ وزدى.
بۇعان دەيىن ايەلدەر اراسىنداعى «سكيت» جاتتىعۋىندا اناستاسيا مولچانوۆا قولا جۇلدەگە قول جەتكىزسە، كوماندالىق ەسەپتە ولگا حايلوۆا، ادەل ساداقبايەۆا جانە اناستاسيا مولچانوۆا كۇمىس جۇلدە يەلەندى.
پپ-3 جاتتىعۋىندا جاسوسپىرىمدەر كومانداسى (كيريلل فەدكين، رامازان ىنتىقباي، كيريلل سۋكانوۆ) قولا جۇلدەگە يە بولدى. ءدال وسى جاتتىعۋدا ءجاسوسپىرىم قىزدار قۇراما كومانداسى (ساۋلە الىمبەك، كريستينا ۋستينوۆا، اسىلىم جاقيا) قولا جۇلدەگەر اتاندى. سونداي-اق جاستار اراسىنداعى كوماندالىق پپ-3 جاتتىعۋىندا كيرا ۆلاديميروۆا، اليسا كرادەنوۆا جانە سوفيا جۋكوۆا قولا مەدال جەڭىپ الدى.
سونىمەن قاتار، پپ-ميكس جاتتىعۋىندا جاسوسپىرىمدەر جۇبى كيريلل فەدكين مەن ساۋلە الىمبەك ەل قورجىنىنا تاعى ءبىر قولا جۇلدە قوستى. وسى جاتتىعۋدا ۇلدار اراسىندا دانييل سميرنوۆ پەن اليسا كرادەنوۆا دا قولا مەدال يەلەندى.
ايتا كەتەيىك، چەمپيوناتقا 27 ەلدەن 800-دەن استام سپورتشى قاتىسۋدا. ازيا چەمپيوناتىندا 700-دەن استام مەدال ساراپقا سالىنادى.
جارىستى قازاقستان نىسانا كوزدەۋ فەدەراسياسى ق ر تۋريزم جانە سپورت مينيسترلىگىنىڭ قولداۋىمەن وتكىزىپ جاتىر.