سايران كولى ماڭايىن كورىكتەندىرۋ جوباسى اياسىندا ەكى پونتون كوپىر ورناتىلعان. ولار جاعالاۋلار اراسىندا ءقاۋىپسىز جانە ىڭعايلى ءجۇرىپ وتۋگە مۇمكىندىك بەرەدى. قازىرگى ۋاقىتتا قۇرىلىمدار قىسقى كەزەڭگە جىل سايىن جۇرگىزىلەتىن كونسەرۆاسيا جانە سۋ دەڭگەيىنىڭ تومەندەۋى سەبەپتى ۋاقىتشا الىنىپ تاستالدى. بۇل تۋرالى الماتى قالاسىنىڭ قوعامدىق كەڭىستىكتەردى دامىتۋ باسقارماسىنىڭ وكىلدەرى ايتتى.
سۋ دەڭگەيى كەلەسى جىلدىڭ كوكتەمىندە قالپىنا كەلگەننەن كەيىن پونتون كوپىرلەر قايتا ورناتىلادى. قۇرىلىمداردىڭ تەحنيكالىق جارامدىلىعىن ساقتاۋ ماقساتىندا بۇل جۇمىس جىل سايىن ىستەلەدى.
سونداي-اق، «سايران كولى ماڭايىن كورىكتەندىرۋ» جوباسى اياسىندا سۋ ايدىنىندا نيمفەيا (لوتوس) وسىمدىكتەرى وسىرىلەتىن ارنايى باسسەين قالىپتاستىرۋ ءۇشىن تەمىربەتون قۇرىلىم سالىنعان. كولدەگى سۋدىڭ تومەندەۋىنە بايلانىستى سۋ وسىمدىكتەرىنىڭ تامىر جۇيەسىن جىلىتۋ جۇمىسى جۇرگىزىلدى. بۇل قىس مەزگىلىندە ولاردىڭ ساقتالۋىن قامتاماسىز ەتۋ ماقساتىنداعى شارا.
ەگەر وسىمدىكتەر ءۇسىپ كەتسە نەمەسە جەرسىنبەسە، ولاردى مەردىگەر ۇيىم كەپىلدىك مىندەتتەمەسى اياسىندا اۋىستىرىپ بەرەدى.