ۇلى وتان سوعىسىنىڭ قاتىسۋشىسى، كسرو ءىىم ەڭبەك سىڭىرگەن قىزمەتكەرى، 3-دارەجەلى كوميسسار قۇسمانعالييەۆ دجانىسبەك قۇسمانعالي ۇلىنىڭ وتباسىمەن بىرگە تۇرعان ءۇيدىڭ قاسبەتىنە ەسكەرتكىش تاقتا اشىلدى، دەپ حابارلايدى aqshamnews.kz Polisia.kz-كە سىلتەمە جاساپ.
سالتاناتتى جيىنعا الماتى قالالىق پد باسشىلىعى، جەكە قۇرامى جانە ءىىو-نىڭ ارداگەرلەرى قاتىستى. اتى اڭىزعا اينالعان تۇلعا تۋرالى بۇگىندە ءىىم گەنەرالى بولىپ قىزمەت اتقارىپ جۇرگەن دجانىسبەك قۇسمانعالي ۇلىنىڭ ارىپتەستەرى ءوز ەستەلىكتەرىمەن ءبولىستى.
— سوعىس باستالعان كەزدە قالادا بانديتيزم دامي باستادى، قىلمىس كوبەيدى. وسىنداي ىسكە قارسى تۇرا الاتىن ادام رەتىندە دجانىسبەك قۇسمانعالي ۇلى وسى قىلمىستىڭ ورشۋىنە توسقاۋىل قويۋ ءۇشىن مايدان شەبىنەن شاقىرتىلىپ، وسىندا الماتىعا كەلدى. ول، ارينە، بۇل مىندەتتى ءمىنسىز اتقاردى، — دەدى، ق ر ءىىم قۇرمەتتى ارداگەرى، ادىلەت گەنەرال-مايورى سۇلتان كۇسەتوۆ.
الماتى قالالىق پد ارداگەرلەر كەڭەسى ءتوراعاسىنىڭ ورىنباسارى، وتستاۆكاداعى پوليسيا پولكوۆنيگى باۋىرجان راحىموۆ ءوز كەزەگىندە دجانىسبەك قۇسمانعالييەۆتىڭ كادر ماسەلەسىنە باسا نازار اۋدارىپ، جاس قىزمەتكەرلەردى ءىىو-داعى ارنايى وقۋ ورىندارىنا قىلمىستىق ىزدەستىرۋ، تەرگەۋ، جول پوليسياسىنىڭ باعىتتارى بويىنشا جىبەرۋ ماسەلەسىنە ءبىرىنشى كەزەكتە باسىمدىق بەرگەنىن اتاپ ءوتتى.