قازاقستان 2027 جىلى بوكستان الەم چەمپيوناتىن قابىلدايدى.
بۇل تۋرالى World Boxing حالىقارالىق فەدەراسياسى حابارلادى. ەلىمىز تاريحتا ەكىنشى رەت بوكستان الەم بىرىنشىلىگىن ۇيىمداستىرعالى وتىر، دەپ حابارلايدى aqshamnews.kz 24.kz-كە سىلتەمە جاساپ.
بۇعان دەيىن، 2013 جىلى الماتىف قالاسىندا وتكەن ەدى. بۇل حالىقارالىق جارىس كۇنتىزبەسىندەگى ماڭىزدى وقيعا بولماق. تۋرنير اقش-تىڭ لوس-اندجەلەس قالاسىندا وتەتىن جازعى وليمپيادا ويىندارى قارساڭىندا ۇيىمداستىرىلادى.
گەنناديي گولوۆكين، ۇوك پرەزيدەنتى، World Boxing وليمپيادالىق كوميسسياسىنىڭ ءتوراعاسى:
-2027 جىلى وليمپيادا الدىندا وتەتىن بوكستان الەم چەمپيوناتىن وتكىزۋ قازاقستان ءۇشىن ۇلكەن مارتەبە، ءارى جاۋاپكەرشىلىك. ءبىزدىڭ ەل ءىرى حالىقارالىق سپورتتىق جارىستاردى جوعارى دەڭگەيدە وتكىزۋدە مول تاجىريبەگە يە جانە بۇل تۋرنير دە سول داستۇردەن تىس قالمايتىنىنا سەنىمدىمىن. وليمپيادا الدىنداعى بۇل چەمپيوناتتىڭ ماڭىزدىلىعىن تۇسىنە وتىرىپ، World Boxing ۇيىمىنا بىلدىرگەن سەنىمى ءۇشىن العىسىمدى ايتامىن.