قارتتار ايلىعى اياسىندا الماتىداعى №11 قالالىق ەمحاناسى جۇرە المايتىن جانە ءجۇرۋى قيىن ناۋقاستارعا، مۇگەدەكتەرگە جانە جالعىزباستى زەينەتكەرلەرگە مەديسينالىق كومەك ۇيىمداستىرۋ بويىنشا اكسيا وتكىزدى.
ەگدە جاستاعى ادامدارعا دياگنوستيكانىڭ قولجەتىمدىلىگىن قامتاماسىز ەتۋ ماقساتىندا ەمحانا كولىگى پاسيەنتتەردى ۇيلەرىنەن تەكسەرىسكە جەتكىزىپ، كەيىن كەرى اپارىپ تاستادى. بارلىق زەرتتەۋلەر كەزەكسىز جۇرگىزىلدى. پاسيەنتتەر ۋلترادىبىستىق زەرتتەۋ، ەحوكگ، رەنتگەنوگرافيا، كومپيۋتەرلىك توموگرافيادان ءوتىپ، دارىگەرلەردەن كەڭەس الدى.
اكسياعا ناۋقاستاردى جول بويى الىپ جۇرگەن الەۋمەتتىك قىزمەتكەرلەر دە قاتىستى.
قالا تۇرعىندارى مەن ولاردىڭ تۋىستارى وسىنداي شارانىڭ ماڭىزدىلىعىن اتاپ ءوتىپ، ۇيىمداستىرۋشىلارعا قامقورلىعى مەن نازارلارى ءۇشىن العىس ايتتى.
مۇنداي باستامالار جالعىزباستى زەينەتكەرلەرگە ۋاقىتىلى تەكسەرىستەن ءوتىپ، مەديسينالىق قىزمەتكەرلەر تاراپىنان قولداۋ الۋىنا مۇمكىندىك بەرىپ، مەديسينالىق كومەكتىڭ ساپاسىن ارتتىرۋعا ىقپال ەتەدى.