كۇدىكتى قاماۋعا الىندى.
الماتىلىق قوعامدىق كولىكتەردە ەر ادام قالتا ۇرلىعىمەن اينالىسقان، دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتى پوليسەيلەرى قوعامدىق كولىكتەردە قالتا ۇرلىعىمەن اينالىسقان 44 جاستاعى شىعىس قازاقستان وبلىسىنىڭ تۇرعىنىن ۇستادى.
«بىرنەشە كۇننىڭ ىشىندە ەر ادام قالالىق قوعامدىق كولىكتەردە بوتەننىڭ مۇلكىن 5 رەت ۇرلاعان. كۇدىكتى قالا ورتالىعىندا، سەيفۋللين – ماقاتايەۆ – بايتۇرسىنوۆ – گوگول كوشەلەرىنىڭ ورامىندا “جۇرگەن”. ول تاڭەرتەڭگى جانە كەشكى “قاربالاس ۋاقىتتا” جولاۋشىلاردىڭ قالتاسىن “تەكسەرىپ”، ۇيالى تەلەفونداردى تەز جانە بايقاتپاي سۋىرىپ الىپ وتىرعان. قازىرگى ۋاقىتتا ق ر قك-نىڭ 188-بابىنىڭ 3-بولىگى (ۇرلىق) بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتى قاماۋعا الىندى. تەرگەۋدىڭ قازىرگى كەزەڭىندە ۇستالعان ازاماتتىڭ قالا اۋماعىندا جاسالعان وسىعان ۇقساس باسقا دا قىلمىستارعا قاتىسى بار-جوعى انىقتالىپ جاتىر»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.