قازاقستاندا تۇرعىن ءۇيدى جالعا الۋدىڭ تومەندەۋ ءۇردىسى جالعاسىپ جاتىر.
ۇلتتىق ستاتيستيكا بيۋروسىنىڭ مالىمەتىنشە، قاڭتاردا وتكەن ايمەن سالىستىرعاندا ورتاشا شىعىن 2،5 پايىزعا تومەندەگەن، دەپ حابارلايدى Almaty-akshamy.kz. Tengrinews.kz-كە سىلتەمە جاساپ..
«ءبىر ايدا (2023 جىلدىڭ قاڭتارىنان 2022 جىلدىڭ جەلتوقسانىنا دەيىن) جاڭا تۇرعىن ءۇيدى ساتۋ باعاسى 0،7 پايىزعا، پاتەرلەردى قايتا ساتۋ باعاسى 0،3 پايىزعا ءوستى. جالداۋ اقىسىنىڭ تومەندەۋ تەندەنسياسى جالعاسىپ، قاڭتاردا وتكەن ايمەن سالىستىرعاندا 2،5 پايىزعا تومەندەدى»، - دەلىنگەن حابارلامادا.
قاڭتاردا باسپانانىڭ 1 شارشى مەترىنىڭ ورتاشا باعاسى كەلەسىدەي بولدى:
- جاڭا ءۇي - 481 891تگ؛
- قولدانىستاعى ءۇي - 515 019 تگ؛
- جالعا بەرىلەتىن ءۇي - 4 671 تگ
«ءبىر جىلدا (2022 جىلعى قاڭتار - 2023 جىلعى قاڭتار ارالىعىندا) قولدانىستاعى پاتەردى قايتا ساتۋ باعاcى - 18،7 پايىز، جاڭا باسپانانى ساتۋ 14 پايىز قىمباتتادى. ال اباتتاندىرىلعان تۇرعىن ءۇيدى جالعا الۋ قۇنى 34،3 پايىز ارتتى»، - دەپ تولىقتىردى بيۋرو وكىلدەرى.