الماتىدا بوستاندىق اۋدانىنداعى بىرنەشە قوعامدىق كەڭىستىكتى قايتا قۇرۋ جانە اباتتاندىرۋ جوباسى دايىندالۋدا.
قالا باسشىسى ەربولات دوسايەۆ تۇرعىندارمەن كەزدەسۋدە تۇڭعىش پرەزيدەنت ساياباعىنا، «اتاكەنت» كقكو اۋماعىنا، «يۋجنىي» ساياباعىنا جانە نۇر-الاتاۋ شاعىن اۋدانىنداعى سكۆەرگە نازار اۋدارىلاتىنىن ايتتى.
سونداي-اق، سيرك الدىنداعى، مۇستافين كوشەسىنىڭ بويىندا جانە قازۇۋ ستۋدەنتتەر سارايىنىڭ الدىنداعى سۋبۇرقاقتاردى كۇردەلى جوندەۋ جوسپارلانعان. قۇجاتتامانىڭ مەملەكەتتىك ساراپتاۋ ناتيجەلەرى جەلتوقساندا بەلگىلى بولادى.
بيىل اۋداندا «حالىق قاتىساتىن بيۋدجەت» باعدارلاماسى اياسىندا 50 جوبانى كورىكتەندىرۋگە 2،8 ملرد تەڭگە ءبولىندى. سونىڭ ءبىرى قىركۇيەكتە اياقتالاتىن اباي داڭعىلىنداعى جاياۋ جۇرگىنشىلەر ايماعىن اباتتاندىرۋ جوباسى، وندا قالا تۇرعىندارى ءۇشىن قولايلى جاعداي جاسالادى.