كۇدىكتىنىڭ قارۋدى جاسىرعان ورنى تابىلدى.
الماتى پوليسەيلەرى المالى جانە الاتاۋ اۋدانىندا اڭشى دۇكەنىن توناۋعا قاتىسقان ەكى ازاماتتى ۇستادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى قالالىق پوليسيا دەپارتامەنتىنىڭ مالىمەتىنشە، 1990 جىلى تۋعان ن. ەسىمدى ازامات قاڭتار وقيعاسى كەزىندە اڭشىلىق دۇكەننەن قارۋ ۇرلاعانى ءۇشىن سوتتالدى.
«ول ۇرلاعان قارۋ-جاراق قويماسىنىڭ ورنى قالا شەتىندەگى ۇيىندىدەن انىقتالدى. ناتيجەسىندە 22 كاليبرلى «SAVAGE» بۇراندالى كارابينى مەن 12 كاليبرلى «ATA ARMS» تەگىس ۇڭعىلى مىلتىعى تاركىلەندى. قىلمىستىڭ سىبايلاستارىمەن قاتار باسقا دا قارۋ-جاراق جاسىرىلعان ورىندار بولۋى مۇمكىن ەكەنىن جوققا شىعارمايمىز»، - المالى اۋداندىق پوليسيا باسقارماسىنىڭ باستىعى ەسەن ىسقاقوۆ.
قالانىڭ الاتاۋ اۋدانىندا ۇستالعان ەكىنشى كۇدىكتى ۋاقىتشا ۇستاۋ يزولياتورىنا قامالدى.
"كۇدىكتىنىڭ قارۋدى جاسىرعان ورنى تابىلدى. قارۋ ساراپتاماعا جىبەرىلدى. ءقازىر ول ۇستالىپ، قاماۋعا الىندى"، - دەدى اۋەزوۆ اۋداندىق پوليسيا باسقارماسىنىڭ باستىعى قۇماربەك كەنشىنبايەۆ.