قالادا 128 سۋبۇرقاق بار.
الماتىدا سۋبۇرقاقتار 25 مامىرعا دەيىن كەزەڭ-كەزەڭىمەن، تەكسەرىستەن وتكەن سوڭ ىسكە قوسىلادى، دەپ حابارلادى Almaty-akshamy.kz قازاقپاراتقا سىلتەمە جاساپ.
«بۇگىندە الماتى قالاسىندا 128 سۋبۇرقاق بار، ونىڭ 63ء-ى كوممۋنالدىق مەنشىكتە، 65ء-ى جەكە مەنشىكتە. «Eco Almaty» ج ش س 63 كوممۋنالدىق سۋبۇرقاققا قىزمەت كورسەتەدى. ونىڭ 60-ىن كەستەگە سايكەس بيىل 25 مامىرعا دەيىن قوسۋ جوسپارلاندى. ۇشەۋى قايتا جاڭارتىلۋدا (اۋەزوۆ اتىنداعى «قازدرامتەاتر» الاڭى، «ق ر مەملەكەتتىك مۋزەي الاڭى»، قبتۋ (سولتۇستىك جاعى).
سوڭعى بەس جىلدا الماتىدا جاڭا 13 سۋبۇرقاق سالىنىپ، 10-ى قايتا جاڭارتۋدان ءوتتى («نەدەلكا»، اباي اتىنداعى وپەرا جانە بالەت تەاترى الاڭىندا، «ءتورت توستاعان»، PK تۇڭعىش پرەزيدەنتى ساياباعىنداعى باس سۋبۇرقاق، قاستەيەۆ اتىنداعى مەملەكەتتىك مۋزەي الاڭىندا، رەسپۋبليكا سارايى الاڭىندا (سولتۇستىك جاعى)، قۇرمانعازى – قارمىسوۆ كوشەلەرى قيىلىسىندا، رەسپۋبليكا سارايىنىڭ قاسبەتىندە، لەرمونتوۆ اتىنداعى تەاتر الاڭى، ۇلتتىق كىتاپحانا عيماراتى الاڭىندا)»، - دەلىنەدى اكىمدىكتىڭ جاۋابىندا.
سونداي-اق، قازىرگى ۋاقىتتا سۋبۇرقاقتارعا جوسپارلى قىسقا مەرزىمدى جوندەۋ جۇمىستارى جۇرگىزىلۋدە.
«وتكەن عاسىردىڭ 60-80 جىلدارى سالىنعان سۋبۇرقاقتاردىڭ كوپشىلىگى قاتتى توزعان. دەگەنمەن ماماندار سۋبۇرقاقتاردى تەحنيكالىق جارامدى كۇيدە ۇستاۋدا. سۋبۇرقاقتاردا اعىمداعى جوندەۋ جۇمىستارى، سانيتارلىق تازالاۋ مەن جيناۋ ۋاقتىلى جۇرگىزىلەدى. ءاربىر كوممۋنالدىق سۋبۇرقاقتا شومىلۋعا تىيىم سالىنعان تاقتايشالار بار، سەبەبى، 2009-2019 جىلدارى كۇردەلى جوندەۋ جۇرگىزىلگەن سوڭ، سۋبۇرقاقتاردىڭ جوبالارى وزگەرتىلگەن. ياعني، ەلەكتر جابدىقتارى، سۋ استىنداعى جارىقتاندىرۋ جابدىقتارى، سۋاستى سورعىلارى جانە ت. ب. ەنگىزىلدى.الماتى قالاسىنىڭ كوممۋنالدىق سۋبۇرقاقتارىن دەزينفەكسيالاۋ اياسىندا سۋ سىيىمدىلىعى مەن سۋبۇرقاق الاڭىنا سايكەس، ناتريي گيدروحلوريدى (سۋدى زارارسىزداندىرۋ) جانە مىس سۋلفاتى (سۋدا باكتەريالاردى، بالدىرلاردى بولدىرماۋ) قوسىلادى»، - دەپ جاۋاپ بەردى اكىمدىكتە.