الماتىدا قاراۋسىز قالعان مىسىقتارعا ارنالعان ۇيشىكتەر ورناتىلۋدا. قالانىڭ مەدەۋ، المالى جانە بوستاندىق اۋداندارىندا قاراۋسىز قالعان جانۋارلارعا قولايلى جاعدايلار جاسالعان، دەپ حابارلايدى Almaty-akshamy.kz.
جوبا «Animal Security» قوعامدىق قورىنىڭ باستاماسىمەن الماتى قالاسى كاسىپكەرلىك جانە ينۆەستيسيالار باسقارماسىمەن بىرلەسىپ «جانۋارلارمەن جاۋاپتى قارىم-قاتىناس تۋرالى» زاڭدى ىسكە اسىرۋ اياسىندا دەمەۋشىلىك قارجى ەسەبىنەن ىسكە اسىرىلۋدا.
قاراۋسىز قالعان مىسىقتارعا ارنالعان باسپانا مىسىقتاردى كۇتەتىن، تازالىقتى قامتاماسىز ەتەتىن جانە دەزينفەكسيالايتىن تۇرعىندار اراسىندا جاۋاپتى كۋراتورلار بولعان كەزدە بەرىلەدى. بۇگىندە الماتىدا قورەكتەندىرگىشتەرى بار 20 ۇيشىك ورناتىلدى، وندىرىستە تاعى 50-گە جۋىعى بار. مۇنداي ۇيشىكتەردە تۇراتىن بارلىق مىسىقتار زارارسىزداندىرىلعان، پارازيتتەردەن تازارتىلعان، ساۋ جانە تۇرعىندار ءۇشىن ءقاۋىپسىز. ورناتىلعان ۇيشىكتەردىڭ ودان ءارى تازالىعى مەن ساقتالۋىن جاقىن ماڭداعى ۇيلەردىڭ تۇرعىندارى قاداعالاۋعا مىندەتتەنەدى.
قالانىڭ ءار اۋدانىندا جانۋارلارعا مونيتورينگتى ەرىكتى نەگىزدە زووباقىلاۋ ۇيىمدارىنىڭ ىشىنەن كۋراتورلار جۇزەگە اسىراتىن بولادى. جانۋارلار كۋراتورلارىنىڭ ۇيلەستىرۋشىسى «Animal Security» قق، ونىڭ باسشىسى – ناتاليا سۋلجيك. ۇيشىكتەردى ورناتۋعا كەلەسى بايلانىستار ارقىلى قوعامدىق ۇيىمدارعا ءوتىنىش بەرۋگە بولادى:
- مەدەۋ، الاتاۋ جانە جەتىسۋ اۋدانى: ناتاليا سۋلجيك
+7 (777) 666 25 52؛
- بوستاندىق اۋدانى: ۆلاديمير تەپلياكوۆ +7 (701) 432 36 47؛
- المالى اۋدانى: يرينا ميحايلوۆا +7 (701) 711 83 81؛
- اۋەزوۆ اۋدانى: زينايدا ساۆەنكوۆا-كۋشمانوۆا +7 (707) 267 19 57؛
- ناۋرىزباي اۋدانى: ناتاليا كراۆسوۆا +7 (701) 750 09 84، اليا +7 (705) 180 70 19؛
- تۇركسىب اۋدانى: ۆيكتوريا ۆورسترۋحينا +7 (777) 040 89 39.
ەسكە سالساق، الماتىدا قاراۋسىز قالعان جانۋارلارعا ارنالعان ۇيشىكتەر ورناتۋ بويىنشا پيلوتتىق جوبا العاش رەت اعىمداعى جىلدىڭ ناۋرىز ايىندا باستالعان بولاتىن. جوبا قالا تۇرعىندارى اراسىندا كوپتەگەن وڭ پىكىرلەر تۋدىردى. بۇگىندە جانۋارلاردى قورعاۋ قورلارىنا 500-دەن استام ءوتىنىم كەلىپ ءتۇستى. قوعامدىق زووباقىلاۋ ۇيىمدارىنىڭ جوسپارلارىنداعى كەلەسى كەزەڭ قاراۋسىز قالعان يتتەرگە ارنالعان پيتومنيكتەردى ورناتۋ جوباسى بولادى.