قازاقستان رەسپۋبليكاسىنىڭ اۋماعىندا 6 جىل تىركەۋسىز جۇرگەن شەتەلدىك ازامات ۇستالدى، – دەپ حابارلايدى Almaty-akshamy.kz.
Polisia.kz مالىمەتى بويىنشا، جىل باسىنان بەرى كولىكتەگى پوليسياسى دەپارتامەنتىنىڭ قىزمەتكەرلەرى ق ر كوشى-قون زاڭناماسىن بۇزعانى ءۇشىن 3 قىلمىستىق ءىس قوزعادى، ونىڭ ىشىندە ەكەۋى مەملەكەتتىك شەكارانى زاڭسىز كەسىپ وتكەنى ءۇشىن جانە بىرەۋى زاڭسىز كوشى-قوندى ۇيىمداستىرعانى ءۇشىن. سونداي-اق 943 شەتەلدىك اكىمشىلىك جاۋاپكەرشىلىككە تارتىلدى. بۇل تۋرالى كولىكتەگى پد باستىعىنىڭ مىندەتىن اتقارۋشى ماديار ايتۋعانوۆ ايتتى.
ونىڭ ايتۋىنشا، 2 تامىزدا تۇركسىب ستانسياسىنداعى جەلىلىك پوليسيا ءبولىمىنىڭ كولىك پوليسەيلەرى “اسكەريلەندىرىلگەن تەمىرجول كۇزەتى” ج ش س قىزمەتكەرلەرىمەن بىرلەسىپ، وزبەكستان رەسپۋبليكاسىنىڭ 41 جاستاعى ازاماتىن انىقتاپ، ۇستادى. ول تاۋار ۆاگونى ارقىلى الماتى قالاسىنا دەيىن جەتپەكشى بولعان. تەكسەرۋ كەزىندە شەتەلدىك ازاماتتىڭ قازاقستان رەسپۋبليكاسىنىڭ اۋماعىندا 6 جىل بويى تىركەۋسىز جۇرگەندىگى انىقتالدى.
– قۇقىق بۇزۋشىعا قاتىستى ق ر اقبتك-نىڭ 560-بابىنىڭ 1-بولىگى (جۇك پويىزدارىندا زاڭسىز ءجۇرىپ-تۇرۋ)، 559-بابىنىڭ 5-بولىگى (بەلگiلەنبەگەن جەرلەردە تەمiرجول ارقىلى ءوتۋ) جانە 517-باپتىڭ 4-بولىگى (شەتەلدىكتىڭ نەمەسە ازاماتتىعى جوق ادامنىڭ ق ر حالىقتىڭ كوشى-قونى سالاسىنداعى زاڭناماسىن بۇزۋى) بويىنشا بىردەن ءۇش اكىمشىلىك حاتتاما تولتىرىلىپ، ت.رىسقۇلوۆ اتىنداعى اۋداننىڭ سوتىنا جىبەرىلدى. سوت شەشىمىمەن شەتەلدىك قۇقىق بۇزۋشىعا اكىمشىلىك جولمەن قازاقستان رەسپۋبليكاسىنان تىسقارى جەرگە شىعارىپ جىبەرە وتىرىپ، ق ر اۋماعىنا 5 جىلعا كىرۋگە تىيىم سالىندى، – دەدى م.ايتۋعانوۆ.