الماتىدا قالتا ۇرىلارى ۇستالدى

ۇرىنىڭ ۇشەۋى دە ايەل.

الماتىدا قالتا ۇرىلارى ۇستالدى، – دەپ حابارلايدى Almaty-akshamy.kz Polisia.kz-كە سىلتەمە جاساپ.

الماتى پوليسياسىنىڭ قىزمەتكەرلەرى قالتا ۇرلىعىمەن اينالىسقان ءۇش ايەلدى ۇستادى.

«قالالىق قوعامدىق كولىكتەردە جامبىل جانە الماتى وبلىستارىنىڭ تۇرعىندارى ۇرلىق جاساپ جۇرگەن. كوبىنەسە رايىمبەك داڭعىلىمەن جۇرەتىن مارشرۋتتاردى پايدالانعان. وسىنداي ساياحاتتاردىڭ ءبىرى قوعامدىق كولىك ىشىندە ورناتىلعان بەينەكامەراعا ءتۇسىپ قالعان. ۇستالعانداردىڭ ءبىرى – 37 جاستاعى ج.ەسىمدى ازاماتشا. ول پوليسيادا ۇرى رەتىندە تىركەلگەن. ءيا، بۇرىن دا وسىعان ۇقساس قىلمىستار جاساعانى ءۇشىن سوتتى بولعان. قىلمىستىڭ سىبايلاستارى 37 جاستاعى جانە 36 جاستاعى زاڭدى ءبىرىنشى رەت بۇزىپ تۇرعان جوق. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە. كۇدىكتىلەر قاماۋعا الىندى. سونىمەن قاتار ۇستالعان ادامداردىڭ باسقا دا قىلمىستارعا قاتىسى بار-جوعىن انىقتاپ جاتىرمىز»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.

ونىڭ ايتۋىنشا، كۇدىكتىلەر ناۋرىزباي اۋداندىق پوليسيا باسقارماسى جەدەل ۋاكىلدەرىنىڭ كومەگىمەن ۇستالدى. وسى دەرەك بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 188-بابىمەن قىلمىستىق ءىس تىركەلدى.