بۇل پرەمەر-مينيستردىڭ ۋادەسى.
ءاليحان سمايىلوۆ ۇكىمەتتىڭ ينفلياسياعا قاتىستى بولجامى تۋرالى ايتتى، دەپ حابارلايدى دەپ حابارلايدى Almaty-akshamy.kz
«وزدەرىڭىز بىلەسىزدەر، ۇلتتىق بانك ينفلياسيا دەڭگەيىن تومەندەتۋ ءۇشىن ءوزىنىڭ بازالىق ستاۆكاسىن 16 پروسەنتكە دەيىن ۇلعايتتى. كەلەسى جىلدىڭ باسىندا ينفلياسيا دەڭگەيى مەن ماكروەكونوميكالىق جاعداي تۇراقتالادى دەپ سانايمىز»، - دەدى ۇكىمەت باسشىسى.
وسى ورايدا ۇكىمەت باسشىسى الەۋمەتتىك ماڭىزى بار ازىق-تۇلىك باعاسىنىڭ ۇستەمەسىن 15 پروسەنتتەن اسىرماۋ مىندەتى قويىلعانىن ەسكە سالدى. وسى سالاداعى باقىلاۋ شارالارى جالعاسا بەرەدى.
ايتا كەتەرى، قازاقستاندا ينفلياسيانىڭ جىلدىق كورسەتكىشى 19%-عا جۋىقتادى، ال ءونىم باعاسى 23،2%-عا ءوستى.
«كەلەسى جىلى ينفلياسيا دەڭگەيى 7،5-9،5 پروسەنت بولادى دەپ جوسپارلاپ وتىرمىز. ال ودان كەيىنگى جىلدارى 4-5 پروسەنتكە ءتۇسۋى كەرەك. ءبىز وسىنداي ماقسات قويۋىمىز كەرەك. سوسىن قولدا بار شارالاردى پايدالانىپ، وعان جەتۋىمىز شارت»، - دەپ اتاپ ءوتتى سمايىلوۆ.