الماتىدا قالا ماڭىنا قاتىنايتىن جاڭا باعىت ىسكە قوسىلدى

اعىمداعى جىلدىڭ 30 قازانىنان باستاپ كولىك جەلىسىنە قالا ماڭىنا قاتىنايتىن №247 باعىت بويىنشا 4 جىلجىمالى بىرلىكى شىعادى، ول «بۇرىلاتىن الاڭى تولە بي - ياسساۋي - مىڭبايەۆ كەنتى» سىزباسى بويىنشا قوزعالاتىن بولادى، دەپ حابارلايدى almaty-akshamy.kz

جولاۋشىلار مەن جۇكتى اۆتوموبيل كولىگىمەن تاسىمالداۋ ەرەجەلەرىنە سايكەس قىزمەت «الماتى ترانساۆتو» ج ش س تاسىمالداۋشىسىنا بەرىلدى. وسى باعىتتا كولىكتىك قىزمەت كورسەتۋ ءۇشىن سىيىمدىلىعى شاعىن Isuzu le-60 ماركالى اۆتوبۋستار جۇرەتىن بولادى.

ايتا كەتەرلىگى، الماتى اگلومەراسياسىن دامىتۋ اياسىندا 2023 جىلى الماتى قالاسىنىڭ موبيلدىلىك باسقارماسى 25 ەلدى مەكەندى قامتي وتىرىپ، قالا ماڭىندا 10 جاڭا باعىتتاردى ۇيىمداستىرۋدى جوسپارلاپ وتىر. بۇعان دەيىن 4 باعىت ىسكە قوسىلعان – بۇل №223 «ساياحات-نۇرا جانە تۋعانباي اۋىلدارى»، №233 «قاراوي – ساياحات اۋىلى»، №240 «باتىر اۋىلى – «ادەم-1» ءسۇ، سولتۇستىك اينالىم كوشەسى، №236 «تولە بي - ياسساۋي بۇرىلىس الاڭى - قارعالى كەنتى». قالعان مارشرۋتتار ازىرلەنۋدە.

بۇدان باسقا، الماتى جانە الماتى اگلومەراسياسىن دامىتۋ جوسپارىنا سايكەس 2024 جىلدىڭ سوڭىنا دەيىن قالا ماڭىنا قاتىنايتىن 20 جاڭا باعىتتاردى ۇيىمداستىرۋ جوسپارلانۋدا، ولاردىڭ ەسەبىنەن 50 ەلدى مەكەن كولىكپەن قامتىلاتىن بولادى.