دۋباي قازاقتارىنىڭ العاشقى قۇرىلتايى ءوتتى

جىل باسىنان بەرى دۋبايدا 50-دەن استام قازاقستاندىق كومپانيا رەسمي تىركەلگەن. بۇگىندە ولار كاسىبىن دوڭگەلەتىپ وتىر.

جالپى وتاندىق تاۋار مەن قىزمەت تۇرلەرىن امىرلىكتەر ارقىلى 2 ملرد تۇتىنۋشىعا جەتكىزۋگە مۇمكىندىك بار. وسىلايشا افريكا، تاياۋ شىعىس، ءتىپتى وڭتۇستىك ازيا ەلدەرىن دە قامتۋعا بولادى. بۇل تۋرالى دۋبايدا تۇراتىن وتانداستارىمىزدىڭ العاشقى قۇرىلتايىندا ايتىلدى، دەپ حابارلايدى Almaty-akshamy.kz 24.kz-كە سىلتەمە جاساپ. 

سوڭعى 6 جىلدا دۋبايدا تىركەلگەن قازاقستاندىق كومپانيالاردىڭ سانى 351-دەن 637-گە جەتتى. ياعني بيىل جاڭادان 54 كومپانيا اشىلعان. وتاندىق كاسىپكەرلەر ۇلتتىق تاۋارلارىمىزدى اراب نارىعىنا ساۋدالاپ وتىر.

قازاقستاننان ساۋمالدى اكەلىپ، قۇرعاتىلعان ساۋمالدى وسى اراب ەلدەرىندە ساتامىز، ارابتارعا وتە جاقسى ۇنايدى. ويتكەنى وزدەرىنىڭ دە جىلقىلارى بار جانە ولار تۇسىنەدى نە ەكەنىن. ءبىراق ولاردىڭ «پسيحولوگيچەسكيي بارەر» دەگەن بار، مىناۋ جىلقى ءسۇتىن ەشقاشان كورمەگەن، ءيىسىن، ءدامىن تاتپاعان. ءبىراق ەپتەپ سونى ەنگىزىپ جاتىرمىز»، - دەيدى كاسىپكەر عالىمجان مەيرامبەكوۆ. 

جيىنعا اراب كاسىپكەرلەرى دە كەلىپ، قازاقتاردىڭ قۋانىشىنا ورتاقتاستى. ولار ءتول ونەرىمىزدى تاماشالاپ، ۇلتتىق ويىندارعا بەلسەنە قاتىستى. 

بەيرەسمي اقپاراتقا ساي، ءقازىر دۋبايدا 10 مىڭنان اسا قازاقستاندىق ءومىر سۇرەدى. بۇدان باسقا، وسىندا ەلىمىزدەن دەمالۋ ءۇشىن كۇندە قانشاما تۋريست كەلىپ جاتىر. اپتاسىنا 60-تان استام اۋە رەيسى قاتىنايدى.