سەنبى، جەكسەنبى كۇن ءۇشىن جالاقى ءجۇرىپ تۇرعان...
قازاننىڭ 28ء-ى كۇنى قاراعاندى وبلىسىنداعى كوستەنكو اتىنداعى شاحتادا اپات بولىپ، 46 ادام قايتىس بولدى. 29-قازان ەلىمىزدە قارالى كۇن دەپ بەلگىلەندى، دەپ حابارلايدى Almaty-akshamy.kz Halyq-uni.kz-كە سىلتەمە جاساپ.
قازا تاپقان كەنشىلەردىڭ سوڭعىسىنىڭ دەنەسى تابىلعانىن حابارلاعان بولاتىنبىز.
«كومپانيا ءوزىنىڭ باسقارۋشىسى پالاۆاتحۋ كريشنان ناير بيدجۋعا 2021 جىلى 375،9 ميلليون تەڭگە جالاقى تولەگەن. مۇنى ايعا ەسەپتەسەك، 31،3 ميلليون، كۇنىنە 1 ميلليون تەڭگە. 2022 جىلعى دەرەكتەر جوق، كومپانيا ولاردى جاي عانا قارجىلىق ەسەپتىلىك دەپوزيتارييىنىڭ پورتالىنا جۇكتەمەگەن. ءبىراق قارجىلىق ەسەپتەر 31 تامىزعا دەيىن بولۋى ءتيىس بولعان»، – دەلىنگەن جازبادا.
2020 جىلى بالاۆاتۋ كريشنان ناير بيدجۋ 344 ميلليون تەڭگە الىپتى. 2019 جىلى ونىڭ الدىنداعى باسقارۋشىسى پارامجيت سينگح كالونعا 328 ميلليون تەڭگە تولەگەن.
سونىمەن قاتار تەلەگرام-ارنا 2022 جىلدىڭ تامىزىندا بەرىلگەن سوڭعى ەسەپكە سايكەس 2021 جىلى كومپانيانىڭ تازا پايداسى 215 ميلليارد تەڭگە بولعانىن حابارلادى.