ونىڭ ماقساتى – جەكە قۇرامنىڭ تاۋلىك بويى زاڭدىلىق پەن قۇقىق ءتارتىبىن قورعاۋ، قىلمىسپەن كۇرەس جانە ازاماتتاردىڭ قۇقىقتارىن قورعاۋ جونىندەگى تاپسىرمالاردى ورىنداۋعا دايىندىعىن تەكسەرۋ.
ەستەرىڭىزگە سالا كەتەيىك، قۇقىق بۇزۋشىلىققا مۇلدەم توزبەۋشىلىك قاعيداتىن نىعايتۋ، كوشەلەردە جانە باسقا دا قوعامدىق ورىنداردا ءتيىستى قوعامدىق ءتارتىپتى ساقتاۋ ماقساتىندا وسى جىلدىڭ 20-30 قاراشاسى ارالىعىندا قالادا جالپى رەسپۋبليكالىق “قۇقىقتىق ءتارتىپ” جەدەل الدىن الۋ ءىس-شاراسى وتكىزىلەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ول ۆانداليزم دەرەكتەرىن، مۇلىكتىك زالال، ۇساق بۇزاقىلىق، جول قوزعالىسى قاۋىپسىزدىگى سالاسىنداعى بۇزۋشىلىقتاردى انىقتاۋ جانە جولىن كەسۋگە، سونداي-اق تۇرمىستىق زورلىق-زومبىلىق سالاسىنداعى، ونىڭ ىشىندە كامەلەتكە تولماعاندارعا قاتىستى بۇزۋشىلىقتاردى الدىن الۋعا باعىتتالعان. ساپتىق تەكسەرۋ بارىسىندا قىزمەتكەرلەردىڭ نىساندى كيىمدەرى، كولىكتەردىڭ جاعدايى، سونداي-اق، قالاداعى قۇقىق قورعاۋ قىزمەتىنىڭ ساپاسىنا اسەر ەتەتىن تەحنيكالىق قۇرال-جابدىقتارى تەكسەرىلدى. سونىمەن قاتار قالاداعى قوعامدىق ءتارتىپتى قورعاۋدى كۇندەلىكتى ءوز قولدارىنا الاتىن پاترۋلدىك پوليسيا پولكى جاساعى، مامانداندىرىلعان باتالون، جقاج قىزمەتكەرلەرى كومانديرلەردىڭ باعىت-باعدارى مەن نۇسقاۋلارىن تىڭدادى.