الماتى وبلىسىنىڭ المالىباق اۋىلىندا مەكتەپ وقۋشىسىنىڭ اياعىن جەڭىل كولىك باسىپ كەتتى.
المالىباق اۋىلىنداعى مەكتەپ الدىندا وقۋشىنى كولىك قاقتى دەگەن اقپارات الەۋمەتتىك جەلىدە تارادى، دەپ حابارلايدى Almaty-akshamy.kz
جەلىدە سونداي-اق اۋىل تۇرعىندارى بۇعان دەيىن مەكتەپتىڭ الدى قاراڭعى ەكەنىنە بىرنەشە رەت شاعىمدانعانى جازىلعان.
اتاملىش وقيعاعا قاتىستى جەلىدە المالىباق ورتا مەتكەپ گيمنازياسى جازبا قالدىردى.
«20 قاراشا، ساعات 17.30 شاماسىندا مەكتەپ الدىندا 5 „گ“ سىنىپ وقۋشىسىنىڭ اياعىن جەڭىل اۆتوكولىك باسىپ كەتكەن. وقيعا بولعان ۋاقىتتا دەرەۋ جەدەل-جاردەم شاقىرىلىپ، وقۋشىنىڭ اتا-اناسى بىردەن حاباردار ەتىلدى. كەلگەن جەدەل-جاردەم قىزمەتكەرلەرى وقۋشىعا العاشقى مەديسينالىق كومەك كورسەتىپ، قاراساي اۋداندىق ورتالىق اۋرۋحاناسىنا الىپ كەتتى»، — دەپ حابارلادى المالىباق ورتا مەتكەپ گيمنازياسى.