الماتىدا پوليسيا قىزمەتكەرى ءوز ارىپتەسىن اتىپ تاستادى.
بۇل تۋرالى اقپارات اۋەلى Kozachkov Telegram كانالىندا پايدا بولدى، دەپ حابارلايدى Almaty-akshamy.kz.
تاراعان اقپارات بويىنشا، وق اتقان - 28 جاستاعى سەرجانت. ول جابىرلەنۋشىمەن بىرگە تاماقتاناتىن بولمەدە وتىرعان.
وق پم قىزمەتتىك قارۋىنان اتىلعان. قىزمەتكەر العان جاراقاتىنان سول جەردە مەرت بولدى.
كۋاگەردىڭ ايتۋىنشا، پوليسەيلەر اراسىندا جانجال بولماعان، ولار جاي سويلەسىپ وتىرعان.
الماتى قالالىق پوليسيا دەپارتامەنتى اقپاراتتى راستادى.
ۆەدومستۆو مالىمەتىنشە، وقيعا 5 ماۋسىمدا بولعان. پوليسيا قىزمەتكەرى قىزمەتتىك قارۋمەن ابايسىزدا ءوز ارىپتەسىنە وق اتقان، جابىرلەنۋشى العان جاراقاتىنان قايتىس بولعان.
«اتالعان دەرەك ق ر قك 104-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. ءتيىستى ساراپتامالار تاعايىندالدى»،- دەپ حابارلادى ۆەدومستۆودان.