شاحماتتى مەكتەپ باعدارلاماسىنا ەنگىزۋ جونىندەگى پيلوتتىق جوباعا 30 مەكتەپ قاتىسادى.
قازاقستاندا شاحماتتى دامىتۋ جوسپارى مەن ەلدەگى مەكتەپتەرگە قوسىمشا ساباقتار ەنگىزۋ جونىندە وكق الاڭىندا RAI ءبىرىنشى ۆيسە-پرەزيدەنتى، ازيا شاحمات فەدەراسياسىنىڭ ۆيسە-پرەزيدەنتى دارمەن ءسادۋاقاسوۆ ايتىپ بەردى.
سپيكەردىڭ ايتۋىنشا، كەلەسى وقۋ جىلىنان باستاپ، شاحماتتى 1-4 سىنىپ وقۋشىلارىنا قوسىمشا ءپان رەتىندە ەنگىزۋ تاجىريبەسىنىڭ اياسىندا 30 مەكتەپتى قامتۋ جوسپارلانىپ وتىر، دەپ حابارلايدى Almaty-akshamy.kz.
«قشف مەملەكەت باسشىسىنىڭ جانە ءبىزدىڭ باس دەمەۋشىمىزدىڭ قولداۋىمەن ەلدە شاحماتتى جۇيەلى تۇردە دامىتىپ كەلەدى. بۇگىندە بىزدە شاحماتتى ودان ارى دامىتۋ ءۇشىن بارلىق مۇمكىندىك بار. وزدەرىڭىز بىلەتىندەي، ءبىزدىڭ ايەلدەر قۇراماسى الەمدەگى ۇزدىك شاحماتشىلار بولىپ سانالادى. ءساۋىر ايىندا ءبىز الەم قۇراماسىمەن ماچ وتكىزدىك. ءبىزدىڭ بالالار مەن جاسوسپىرىمدەر قۇراماسى دا الەمدە ۇزدىكتەردىڭ قاتارىندا جانە وسى باعىتتا ءبىز ەرلەر قۇراماسىن قالىپتاستىرىپ، تالانتتاردى ىرىكتەۋ جۇمىستارىن كۇشەيتەمىز»، - دەدى د.ءسادۋاقاسوۆ.
سپيكەردىڭ سوزىنە قاراعاندا، فەدەراسيا وقۋ-اعارتۋ مينيسترلىگى جانە عىلىم جانە جوعارى ءبىلىم مينيسترلىگىمەن بىرلەسىپ ادىستەمەلىك جۇمىس جۇرگىزگەن. سونداي-اق، وعان حالىقارالىق ساراپشىلار تارتىلىپ، وسىعان ۇقساس جوبا ەنگىزىلگەن يسپانيانىڭ كەيسى زەرتتەلدى.
«ءبىز ءۇشىن بۇل وتە ماڭىزدى باعىت، بۇل - بالالارعا ساپالى شاحمات ءبىلىمىن بەرۋ مۇمكىندىگى. ءبىزدىڭ ماقساتىمىز – ەلىمىزدەگى ءاربىر بالا، باستاۋىش سىنىپ وقۋشىلارى، مەيلى اۋىل، مەيلى قالا مەكتەبى بولسىن، ءوز تاڭداۋى بويىنشا شاحماتپەن اينالىسا السا دەگەن وي. شاحمات ادامنىڭ ءوي-ورىسىن دامىتادى، ول لوگيكانى، ەسكە ساقتاۋ قابىلەتىن، سىني ويلاۋدى، نازاردى شوعىرلاندىرۋدى دامىتۋعا ۇلكەن يمپۋلس بەرەدى. قازاقستاندا ءبىز وسى سيپاتتاعى عىلىمي جۇمىستى 12 مەكتەپ نەگىزىندە جۇرگىزدىك»، - دەپ ءبولىستى ول.
سونىمەن قاتار، شاحمات ۇيرەتەتىن وقىتۋشىلاردى دايىنداۋ مەن ولاردىڭ بىلىكتىلىگىن ارتتىرۋ جۇمىستارى دا جۇرگىزىلۋدە.