"گەندەرلىك زورلىق-زومبىلىققا قارسى 16 كۇندىك بەلسەندى ءىس-قيمىل" رەسپۋبليكالىق اكسياسى اياسىندا تۇركسىب اۋداندىق پوليسيا باسقارماسىنىڭ وتباسى مەن تۇرمىستىق زورلىق-زومبىلىقپەن كۇرەس ءبولىمىنىڭ ينسپەكتورلارى، قامقورلىق تانىتقان مەيىرىمدى ازاماتتارمەن بىرلەسە وتىرىپ، تۇرمىستىق زورلىق-زومبىلىق قۇرباندارىنىڭ داعدارىستىق ورتالىعىندا تۇراتىن بالالارعا قايىرىمدىلىق شاراسىن ۇيىمداستىردى، - دەپ حابارلايدى Aqshamnews.kz.
مەكەمە اكىمشىلىگىمەن الدىن الا بالالاردىڭ جاس ەرەكشەلىگى مەن قاجەتتىلىكتەرى كەلىسىلگەن سوڭ، اكسياعا قاتىسۋشىلار جىلى سىيلىقتار دايىندادى. ءاربىر بالاعا قىسقى كيىمدەر - باس كيىم، شارف جانە قولعاپ تابىستالدى.
– مۇنداي باستامالار قيىن جاعدايدا قالعان وتباسىلارعا قولداۋ كورسەتۋگە باعىتتالعان جانە مەملەكەت پەن قوعامنىڭ بىرلەسكەن كۇش-جىگەرى ەرەكشە نازار مەن قولداۋدى قاجەت ەتەتىندەردى قورعاۋدا قالاي كومەكتەسەتىنىن كورسەتەدى. بالالار مەن انالارعا قالپىنا كەلۋ كەزەڭىندە كورسەتىلەتىن قامقورلىق پەن كوڭىل ءبولۋ ماڭىزدى جانە قۇقىق قورعاۋ ورگاندارىنا سەنىمدىلىكتى قالىپتاستىرادى، – دەپ اتاپ ءوتتى تۇركسىب اۋداندىق پوليسيا باسقارماسىنىڭ باستىعى دۋمان اۋحادييەۆ.