قاتتى وتىن پايدالاناتىن مونشالار مەن ساۋنالار اتموسفەرالىق اۋانىڭ لاستانۋ كوزىنە اينالۋى مۇمكىن. وسىعان بايلانىستى الماتى قالاسىنىڭ اتموسفەرالىق اۋا ساپاسىن جاقسارتۋ جونىندەگى ءىس-شارالار جوسپارى اياسىندا «Eco Almaty» ج ش س قىزمەتكەرلەرى اتالعان نىسانداردى جوسپارلى پروفيلاكتيكالىق ماقساتتا ارالادى. بۇل تۋرالى مەگاپوليستىڭ ەكولوگيا جانە قورشاعان ورتا باسقارماسىنىڭ وكىلدەرى ايتتى.
الماتىدا شامامەن 400-گە جۋىق مونشا مەن ساۋنا بار. الايدا ولاردىڭ ءبىر بولىگى مىندەتتى ەكولوگيالىق تەكسەرۋدەن وتپەي، ياعني ءتيىستى ەكولوگيالىق رۇقساتتارسىز جۇمىس ىستەپ كەلەدى.
پروفيلاكتيكالىق ءىس-شارالار بارىسىندا «Eco Almaty» ماماندارى نىسان يەلەرىنە ەكولوگيالىق زاڭناما تالاپتارىن، ەكولوگيالىق تەكسەرۋدەن ءوتۋدىڭ ماڭىزىن، شىعارىندىلاردى ەسەپكە الۋ قاعيدالارىن جانە قورشاعان ورتاعا اسەردى ازايتۋ جولدارىن تۇسىندىرەدى.
مۇنداي جۇمىستىڭ نەگىزگى ماقساتى – زاڭبۇزۋشىلىقتاردىڭ الدىن الۋ، ەكولوگيالىق تاۋەكەلدەردى تومەندەتۋ جانە قالا اۋاسىنىڭ جاي-كۇيىنە جاۋاپتى كوزقاراس قالىپتاستىرۋ. پروفيلاكتيكا ىقتيمال ماسەلەلەردى الدىن الا انىقتاۋعا مۇمكىندىك بەرىپ، الماتىداعى ەكولوگيالىق احۋالدى جاقسارتۋعا ىقپال ەتەدى.