قازاقستان رەسپۋبليكاسىنىڭ تاۋەلسىزدىك كۇنىنە وراي الماتى قالاسى، بوستاندىق اۋدانىندا، ساتبايەۆ پەن جەلتوقسان كوشەلەرىنىڭ قيىلىسىندا ورنالاسقان بيىكتىگى 200 مەتر تەلەراديو حابارىن تاراتاتىن مۇنارانىڭ ساۋلەتتىك جارىقتاندىرۋ جوباسى تولىق جۇزەگە اسىرىلدى.
جاڭارتىلعان جارىقتاندىرۋ قالاداعى ەڭ تانىمال ينجەنەرلىك نىسانداردىڭ ءبىرى سانالاتىن تەلەمۇنارانىڭ بىرەگەي قۇرىلىمىن ايقىنداپ، ونى مەگاپوليستىڭ كەشكى كەلبەتىنىڭ ايشىقتى نۇكتەسىنە اينالدىردى. وسىلايشا نىسان تەك قالالىق ينفراقۇرىلىمنىڭ فۋنكسيونالدىق بولىگى عانا ەمەس، سونىمەن قاتار الماتىنىڭ زاماناۋي ساۋلەتتىك جارىقتاندىرۋىنىڭ ماڭىزدى ەلەمەنتىنە اينالدى.
جوبا اياسىندا زاماناۋي جارىق پروجەكتورلارىن ورناتۋ، جاڭا كابەل جەلىلەرىن تارتۋ، سونداي-اق ءارتۇرلى جارىق ۇلگىلەرىن جاساۋعا مۇمكىندىك بەرەتىن ينتەللەكتۋالدى باسقارۋ جۇيەسىن ەنگىزۋ بويىنشا كەشەندى جۇمىستار اتقارىلدى.