جاڭاجىلدىق مەرەكە كۇندەرى الماتى قالاسىنىڭ جەدەل مەديسينالىق جاردەم قىزمەتى شتاتتىق رەجيمدە، ىركىلىسسىز جۇمىس ىستەدى. 31 جەلتوقساننان 4 قاڭتارعا دەيىن مەديسينا قىزمەتكەرلەرى 11 مىڭنان استام ءوتىنىش قابىلداپ، ءساتتى رەانيماسيا جاساپ، ءتىپتى كەي ادامداردى ۇيدە بوساندىرعان. وسىلايشا قالا تۇرعىندارىنا تاۋلىك بويى مەديسينالىق كومەك كورسەتىلدى، - ، - دەپ حابارلايدى aqshamnews.kz ءتىلشىسى.
وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا الماتى قالالىق جەدەل مەديسينالىق جاردەم قىزمەتى ديرەكتورىنىڭ ورىنباسارى اندرەي لوجكين وسىلاي دەپ حابارلادى.
ونىڭ ايتۋىنشا، مەرەكە كۇندەرى كۇن سايىن 24/7 رەجيمىندە 189 بريگادا جەلىدە جۇمىس ىستەگەن. 500-دەن استام قىزمەتكەر - دارىگەرلەر، فەلدشەرلەر، جۇرگىزۋشىلەر، كىشى مەديسينالىق جانە تەحنيكالىق پەرسونال ەڭبەك ەتىپتى.
جالپى، 2025 جىلعى 31 جەلتوقسان مەن 2026 جىلعى 4 قاڭتار ارالىعىندا جەدەل جاردەم قىزمەتىنە 11 158 ءوتىنىش ءتۇسىپ، ونىڭ 10 059-ىنا بارىپ قايتتى. جەدەل جاردەمگە ەڭ كوپ قوڭىراۋ ادەتتەگىدەي جاڭا جىل ءتۇنى تۇسكەن. 1 900 شاقىرتۋ تىركەلىپتى، بۇل ورتاشا تاۋلىكتىك كورسەتكىشتەن شامامەن 600-گە از.
مەرەكە كۇندەرى شاقىرتۋ قۇرىلىمى قالىپتى دەڭگەيدە قالىپ، دەمالىس نەمەسە سالتاناتتى كۇندەرگە تاۋەلدى بولعان جوق. كوبىنەسە تۇرعىندار تىنىس الۋ جۇيەسى اۋرۋلارىنا بايلانىستى - 22،53 پايىز، جۇرەك-قان تامىرلارى جۇيەسى اۋرۋلارى بويىنشا - 17،28 پايىز، سونداي-اق جاراقاتتار مەن ۋلانۋلارعا بايلانىستى - 14،5 پايىز جەدەل جاردەمگە جۇگىنگەن. اندرەي لوجكيننىڭ ايتۋىنشا، بۇل ءۇردىس جىلدان جىلعا قايتالانىپ كەلەدى.
«پيروتەحنيكادان جاراقاتتانىپ قالاتىندارعا مەديسينا قىزمەتكەرلەرى ەرەكشە نازار اۋداردى. بيىل مۇنداي 20 وقيعا تىركەلدى، ونىڭ 11ء-ى بالالار. ەڭ جاس زارداپ شەككەن بالا 4 جاستا بولدى. ون ادام جەدەل جاردەممەن ستاسيونارعا جەتكىزىلدى، جەتەۋى دارىگەرگە ءوز بەتىنشە جۇگىنىپ، ۇشەۋى جاراقاتى جەڭىل بولعاندىقتان اۋرۋحاناعا جاتۋدان باس تارتتى»، - دەدى اندرەي لوجكين.
سونىمەن قاتار، مەرەكە كۇندەرى جەدەل جاردەم قىزمەتكەرلەرى بەس ءساتتى رەانيماسيا جاساعان. ءۇش ادامدى ۇيدە بوساندىرىپ، ءبىر ۇل مەن ەكى قىزدىڭ دۇنيەگە كەلۋىنە كومەكتەسىپتى.
جەدەل مەديسينالىق جاردەم قىزمەتى قاي كۇنى بولسىن كومەككە مۇقتاج ءار ادامعا جەدەل ءارى ساپالى مەديسينالىق كومەك كورسەتە بەرەدى.