رەسەيدىڭ نتۆ ارناسىنداعى "زۆەزدى" ءازىل-وسپاق شوۋىنىڭ فينالى قازاقستاندىق كورەرمەن اراسىندا قىزۋ تالقىعا ءتۇستى. الەۋمەتتىك جەلىدەن "استانا"قۇراماسىنا قولداۋ ءبىلدىرىپ، شاشىن تىقىرلاپ الىپ تاستاپ، فيليپپ كيركوروۆتى قارعاپ-سىلەپ جاتقان قازاقستاندىقتاردىڭ جازباسىن كوزىڭىز شالعان بولار. بۇل نەدەن شىقتى؟ رەسەيلىك ءارتىستى نەگە قازاقستاندىقتار "بويكوتتاپ" جاتىر؟ اqshamnews.kz ءتىلشىسى كوپتىڭ تالقىسىنا تۇسكەن جاعدايدىڭ جاي-جاپسارىن تۇسىندىرەدى.
قازاقستاندىقتار شۋلاتقان "زۆەزدى" شوۋى دەگەن نە؟
"زۆەزدى" – نتۆ ارناسىنداعى ءازىل-وسپاق باعىتىنداعى تەلەجوبا. باعدارلامانى ازامات مۋساگالييەۆ جۇرگىزەدى. جوبادا ءار ءوڭىردى/كوماندانى بەلگىلى تۇلعالار باستاپ، ءتۇرلى ءازىل سايىستارىندا ب ا ق سىنايدى. فينالدا بىرنەشە كوماندا ونەر كورسەتىپ، سوڭعى كەزەڭدە ەڭ كوپ ۇپاي جيناعان ۇجىمدار باستى جۇلدە ءۇشىن باسەكەگە تۇسەدى. بيىلعى فينالدا 20 ميلليون رۋبل (شامامەن 129 ملن تەڭگە) ساراپقا سالىنعانى ايتىلدى. ال قاتىسۋشىلار ونىڭ ءبىر بولىگىن قايىرىمدىلىققا باعىتتاۋدى جوسپارلاعان. بۇل جوبانىڭ 2-ماۋسىمى بولاتىن. بىلتىر عانا تۇساۋى كەسىلگەن مۋساگالييەۆتىڭ جوباسىندا دەنيس دوروحوۆ جانە "رەگيونى" كومانداسى جەڭگەن بولاتىن.
"استانا" قۇراماسى فينالدا قالاي ونەر كورسەتتى؟
فينالدىق باسەكەدە قازاقستاندىق "استانا" كومانداسى سوڭىنا دەيىن تارتىستى ويىن كورسەتتى. بىرنەشە كەزەڭنەن تۇراتىن جوبانىڭ ءار شىعارىلىمىندا سۇرىنبەي، قاعىتپا قالجىڭىمەن كورەرمەننىڭ كوڭىلىنەن شىققان "استانالىقتار" فينالدا دا، يۆان ابراموۆتىڭ (رەسەيلىك ستەنداپ-كوميك - ەسك.) "كوماندا مەچتى" كومانداسىمەن كەزدەسىپ، ناتيجەسىندە ەكى ۇجىم دا 22 ۇپايدان جينادى.
ەڭ قىزىعى، ولار "شاشتارازدا بولعان جاعداي" نومەرىندە اناتوليي سويدىڭ (تانىمال ءانشى، قازاقستان تۋماسى - ەسك.) شاشىن ساحنادا الىپ تاستايدى. ودان كەيىن كوماندالاستارى دا تۇگەل شاشتارىن قىرقىپ تاستاپ، ەرلىك تانىتادى. ءازىل ءۇشىن بولسا دا، "استانالىقتاردىڭ" بىرلىگىن كورسەتكەن نومەرگە رەسەيلىك كورەرمەن ورنىنان تۇرىپ، زور قوشەمەت كورسەتتى. ءتىپتى كەيبىرى كوزىنە جاس الدى.
كيركوروۆتىڭ “ادىلەتسىز شەشىمى”
قازىلار القاسىنىڭ باعالاۋ ساتىندە تەڭ تۇسكەن قوس كوماندا ءۇشىن ("استانا" مەن "كوماندا مەچتى") فيليپپ كيركوروۆتىڭ داۋسى شەشۋشى ءرول وينادى. ول قازاقستاندىقتارعا ورنىنان قاسقايىپ تۇرىپ قوشەمەت كورسەتسە دە، "كوماندا مەچتى" ۇجىمىنا – 6 بالل، ال "استاناعا" – 3 بالل قويىپ، ناتيجەسىندە قازاقستاندىق كوماندا ەكىنشى ورىنعا تۇراقتادى.
وسى شەشىمنەن كەيىن جەلىدە ەكىۇداي پىكىر كۇشەيدى: ءبىر بولىگى بۇل – قازىلار القاسىنىڭ سۋبەكتيۆ تاڭداۋى دەسە، ەندى ءبىر بولىگى "ادىلەتسىز بولدى" دەپ باعالادى. الەۋمەتتىك جەلىدە كيركوروۆتىڭ پاراقشاسىنا دا پىكىرلەر كوپتەپ جازىلىپ، كەي قولدانۋشىلار ونىڭ قازاقستانداعى كونسەرتتەرىنە بارمايتىنىن ايتىپ، “cancel” فورماتىنداعى نارازىلىق بىلدىرگەن. تالقىلانىپ جاتقان جازبالار اراسىندا "باستانىڭ" دا شەشىمىنە كەلىسپەگەندەر "كونسەرتتەرىنە بويكوت" جاريالاپ جاتىر.
قىسقاسى، كورەرمەننىڭ كوپشىلىگى "استانانىڭ" ازىلدەرى كوبىرەك كۇلدىرگەنىن العا تارتىپ، قازىلار باعاسىن قابىلداي الماعانىن اشىق ايتىپ جاتىر.
شاش الۋ چەللەندجى نەمەسە "استانالىقتارعا" قولداۋ
فينالدان كەيىنگى ەڭ ەرەكشە رەاكسيالاردىڭ ءبىرى – الەۋمەتتىك جەلىدەگى "تاقىرباس چەللەندجنىڭ" تاراۋى بولدى. قازاقستاندىق جانكۇيەرلەر "استانا" كومانداسىن قولداۋ بەلگىسى رەتىندە شاشتارىن تىقىرلاپ الىپ، فوتو-ۆيدەولارىن جاريالاي باستادى. چەللەندجدىڭ ءمانى – كومانداعا مورالدىق قولداۋ كورسەتۋ ءارى كيركوروۆتىڭ شەشىمىنە سيمۆوليكالىق “جاۋاپ” بەرۋ رەتىندە ءتۇسىندىرىلىپ جاتىر.
ءقازىر بۇل ۇردىسكە العاش رەت باسىن تاقىرلاپ جاتقان ادامدار دا قوسىلىپ، بۇل قۇبىلىس الەۋمەتتىك جەلىدە كەڭ تاراپ وتىر. ال فيليپپ كيركوروۆ ازىرگە بۇل داۋ مەن چەللەندجگە قاتىستى رەسمي پىكىر بىلدىرمەگەنى ايتىلادى.
تانىمال شوۋمەن، ازىلكەش، "استانا" كومانداسىنىڭ مۇشەسى ەركەبۇلان مىرزابەك ويىننان كەيىن جازبا جاريالادى. وندا ول:
«بۇل كادر ەفيردە بولعان جوق. ءدال وسى ساتتە ءبىز ءوز ەلىمىز ءۇشىن، ءوز كوماندامىز ءۇشىن ماقتانىش سەزىمىن كەشتىك. زال ءبىزدىڭ نومەرگە تۇرىپ قوشەمەت سوقتى. بۇل - فينالداعى اننەن كەيىن ەمەس، ءدال نومەردىڭ وزىنە كورسەتىلگەن قۇرمەت! مەن سول ساتتە عانا قانداي ەڭبەك جاساعانىمىزدى، قانداي ۇلكەن جۇمىس اتقارعانىمىزدى ءتۇسىندىم. سوندىقتان كوزىمە جاس كەلدى. ءيا، مەن جىلادىم جانە بۇدان ۇيالمايمىن. ءبىز ءوز “شىڭىمىزدى” ءالى تالاي بۇزامىز، ەلىمىزدى الەمگە تاعى دا تانىتامىز. ماقسات قويدىق، سوعان جەتەمىز. سۇيىسپەنشىلىكپەن ءارى قۇرمەتپەن، "استانا" كومانداسى، - دەپ جازدى ەركەبۇلان مىرزابەك.