الماتىدا “ءقاۋىپسىز جول” جەدەل-پروفيلاكتيكالىق ءىس-شاراسى اياسىندا جول-كولىك وقيعالارىنىڭ الدىن الۋعا جانە كولىك جۇرگىزۋ مادەنيەتىن قالىپتاستىرۋعا باسا نازار اۋدارىلۋدا.
دەگەنمەن، پوليسيا قىزمەتكەرلەرى كولىك نومىرلەرىن جاسىرۋ ارەكەتتەرىنە قاتىستى ورەسكەل بۇزۋشىلىقتاردى تىركەۋدى جالعاستىرۋدا، دەپ حابارلايدى aqshamnews.kz Polisia.kz-كە سىلتەمە جاساپ.
وسىلايشا، رەيد بارىسىندا مەملەكەتتىك تىركەۋ ءنومىرىن قاساقانا جاسىرىپ جۇرگەن ۆاز اۆتوكولىگىنىڭ جۇرگىزۋشىسى ۇستالدى. ونىڭ ماقساتى – كامەرالار تۇسىرەتىن زاڭ بۇزۋشىلىقتاردى بولدىرماۋ جانە جاۋاپكەرشىلىكتەن قۇتىلۋ. سوت قۇقىق بۇزۋشىعا قاتىستى اكىمشىلىك قاماققا الۋ شاراسىن قولداندى. پوليسيا، ءنومىردى جاسىرۋ ءقاۋىپتى بۇزۋشىلىق، ءتىپتى ودان دا اۋىر قىلمىسقا اكەپ سوقتىرۋى مۇمكىن ەكەنىن ەسكە سالادى. بۇزۋشىلىق - ءارقاشان ۇلكەن ماسەلەنىڭ باسى.
— ءوز ارەكەتىن جاسىرۋعا تىرىساتىن كەز كەلگەن جۇرگىزۋشى باسقالارعا ءقاۋىپ ءتوندىرۋى مۇمكىن. ءبىز جەكە جاۋاپكەرشىلىككە شاقىرامىز. ولقىلىق ىزدەمەڭىز - ەرەجەلەردى ساقتاڭىز. تەك وسىلاي عانا جولداردى شىنىمەن ءقاۋىپسىز ەتە الامىز، - دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.
“ءقاۋىپسىز جول” ءىس-شاراسى جالعاسۋدا. الماتى پوليسياسى ءتارتىپ بۇزۋشىلاردى انىقتاۋ بويىنشا جۇمىستى كۇشەيتىپ، ءاربىر مۇنداي جاعدايدا جازانىڭ بۇلتارتپاستىعىن قامتاماسىز ەتەدى.