بالۋاننىڭ تويى استانا قالاسىندا ءوتتى، دەپ حابارلايدى aqshamnews.kz
تويعا قوناق بولىپ بارعان بەلگىلى بلوگەر يۆان چەرۆينسكيي Instagram جەلىسىندەگى پاراقشاسىندا سالتاناتتى كەشتەن ۆيدەو جاريالادى.
"بۇگىن الەمنىڭ ۇزدىك باپكەرلەرىنىڭ ءبىرى جانە اتا-اناسى، الەم چەمپيونىن تاربيەلەپ وسىرگەن قانات جولداسبايەۆ ۇلكەن توي جاسادى. ول ۇلىن – تانىمال سپورتشى عانا ەمەس، كەڭ پەيىلدى ناعىز ينتەلليگەنت ريزابەك ايتمۇحاندى ۇيلەندىردى. استاناداعى سالتاناتتى مەرەكەدە قازاقستان مەن الەمنىڭ سپورت جۇلدىزدارىنىڭ ورتاسىندا مەن دە بولدىم، توي وتە اسەرلى ءوتتى. ارينە، تويدىڭ باستى سەبەبى سولتۇستىك قازاقستان وبلىسى قىزىلتۋ اۋىلىنىڭ تۋماسى، قازاقستاننىڭ ەركىن كۇرەس شەبەرى، تالانتتى بالۋان ريزابەك قانات ۇلى. ول قازاقستان تاريحىندا ەركىن كۇرەستەن الەم چەمپيونى اتانعان تۇڭعىش سپورتشى. سوندىقتان مەن ءبىزدىڭ ريزابەكتىڭ ومىرىندەگى تاعى ءبىر تاريحي ساتكە كۋا بولعانىما قۋانىشتىمىن. ەندى ونىڭ جاۋاپكەرشىلىگى ودان سايىن ارتادى. ريزابەك پەن ونىڭ قالىڭدىعىنا باقىت، دەنساۋلىق، باق-بەرەكە تىلەيمىن"، - دەپ جازدى بلوگەر يۆان چەرۆينسكيي جەلىگە جاريالاعان بەينەجازبا سيپاتتاماسىندا.
بالۋاننىڭ تاڭداۋى فيرۋزا ەسىمدى سپورتشى قىزعا تۇسكەن، قالىڭدىق سپورتتىق گيمناستيكادان سپورت شەبەرى.