الماتىدا كولىك پوليسەيلەرى مەملەكەتارالىق ىزدەۋدە جۇرگەن ەكى شەتەلدىكتى ۇستادى، – دەپ حابارلايدى اqshamnews.kz ءتىلشىسى Polisia.kz-كە سىلتەمە جاساپ.
كولىكتەگى پوليسيا دەپارتامەنتىنىڭ قىزمەتكەرلەرى قىلمىستىق جاۋاپكەرشىلىكتەن جاسىرىنىپ جۇرگەن تۇلعالاردى انىقتاۋ جانە ۇستاۋ بويىنشا جۇمىستارىن جالعاستىرىپ جاتىر. "قۇقىقتىق ءتارتىپ" جانە "زاڭسىز ميگرانت" جەدەل-پروفيلاكتيكالىق ءىس-شارالارىن جۇرگىزۋ بارىسىندا كولىكتەگى پد قىزمەتكەرلەرى 12 قىلمىسكەردى ۇستاپ، 1 ءىز-تۇسسىز جوعالعان ادامدى انىقتادى.
ايتالىق، 11 قىركۇيەكتە الماتى قالاسىندا اسا اۋىر قىلمىس جاساعان 33 جاستاعى شەتەلدىك ۇستالدى. سونداي-اق 15 قىركۇيەكتە 49 جاستاعى تاعى ءبىر شەتەلدىك ازامات ۇستالدى. ول ءۇش جىل بويى ەسىرتكى قۇرالدارىن نەمەسە پسيحوتروپتىق زاتتاردىڭ زاڭسىز اينالىمعا شىعارعانى ءۇشىن ايىپتى بولىپ، مەملەكەتارالىق ىزدەۋدە جۇرگەن. كولىك پوليسەيلەرىنىڭ كاسىبيلىگىنىڭ ارقاسىندا ىزدەۋدە بولعانداردىڭ جۇرگەن جەرلەرى جەدەل انىقتالىپ، ولار ۇستالدى. ءقازىر ەكەۋى دە قاماۋعا الىندى.
ىزدەستىرۋ باستاماشىسىنا حابارلانىپ، ەكستراديسيالاۋ ماسەلەسى بويىنشا جۇمىس جۇرگىزىلىپ جاتىر. كولىكتەگى پوليسيا دەپارتامەنتى قۇقىقتىق ءتارتىپتى قامتاماسىز ەتۋ جانە قوعامدىق قاۋىپسىزدىككە قاتەر توندىرەتىن تۇلعالاردىڭ ەل اۋماعىنا وتۋىنە جول بەرمەۋ بويىنشا جۇمىستارىن جالعاستىرىپ جاتىر.