الماتىدا تاۋلىك بويى تولاسسىز جاڭبىر جاۋدى. قالانىڭ جول قىزمەتتەرى كۇشەيتىلگەن رەجيمدە جۇمىس ىستەپ جاتىر، - دەپ حابارلايدى اqshamnews.kz ءتىلشىسى.
الماتىدا 16 قىركۇيەكتە ساعات 16:00-دەن باستاپ نوسەر جاۋدى.
"قازگيدرومەت" رمك دەرەگىنشە، قالادا بىرنەشە ساعات ىشىندە 12 مم، ال تاۋ بوكتەرىندەگى جەرلەردە 15 مم جاڭبىر جاۋدى. بۇل جاڭبىردىڭ ءبىر ايلىق مولشەرىنىڭ 53%-ى (قىركۇيەك ايىنداعى نورما-28 مم).
جاڭبىر سالدارىنان بولعان زارداپتاردى جويۋ ءۇشىن 96 بىرلىك ارنايى تەحنيكا، 40 موتوپومپ، 19 اسسەنيزاتور ماشيناسى (ونىڭ 9-ى الدىن الا سۋ باسۋى مۇمكىن جەرلەرگە جەتكىزىلدى)، 416 جول جۇمىسشىسى، 2400 قاپ قۇم، موتوپومپالارمەن جانە قاجەتتى قۇرىلعىلارمەن جابدىقتالعان 71 جەدەل ءموبيلدى بريگادا جەدەل ىسكە كىرىسكەن ەدى.
جاۋىن سالدارىنان بولعان زارداپتاردى جويۋعا تجد، رجقو، الماتى قۇتقارۋ قىزمەتىنىڭ كۇشتەرى، سونداي-اق مەردىگەر ۇيىمدار تارتىلدى. مەردىگەرلەردى قوسپاعاندا بارلىعى 23 قىزمەتكەر، 7 بىرلىك تەحنيكا، تىركەمە جانە تاسىمالداناتىن موتوپومپالار جۇمىلدىرىلدى.
نوسەر جاۋىننىڭ جانە ارىق جەلىسىنىڭ جاڭبىر سۋىنا تولىپ كەتۋى سالدارىنان قالانىڭ جوعارعى بولىگىندە اۆتوموبيل جولدارىنىڭ كەيبىر ۋچاسكەلەرى سۋ استىندا قالدى.
ەڭ ۇلكەن جۇكتەمە امانجول كوشەسىندە بولدى، مۇندا جول توسەمىنىڭ وپىرىلۋى سالدارىنان 13 اۆتوكولىكتىڭ زاقىمدانۋى تىركەلدى. اۋەزوۆ اۋدانى اكىمى اپپاراتىنىڭ دەرەگىنشە، بۇعان دەيىن بۇل ۋچاسكەدە "سپەسستروي گرۋپپ لتد" ج ش س مەردىگەرلىك ۇيىمى سۋمەن جابدىقتاۋ جانە كارىز جەلىلەرىن سالۋ جۇمىستارىن جۇرگىزگەن. "QazaqGaz" اق گاز قۇبىرىنىڭ جوسپارلانعان قۇرىلىسىنا بايلانىستى اسفالتبەتون جابىنى تولىق قالپىنا كەلتىرىلمەگەن.
اۋداننىڭ جاڭبىر سۋى ارىق ناۋالارى ارقىلى ءدال وسى كوشەگە اعىپ كەتەدى، بۇل جۇكتەمەنى ەداۋىر ارتتىرادى. سونىمەن قاتار، ينجەنەرلىك جەلىلەردىڭ تەرەڭ توسەمى توپىراقتىڭ نەگىزىن السىرەتتى. قاتتى جاڭبىرمەن بىرگە بۇل جابىننىڭ شوگۋىنە جانە بۇزىلۋىنا اكەلدى.
ءقازىر امانجول كوشەسى جابىلدى. ەرتەڭ زاقىمدالعان كولىكتەردى ەۆاكۋاسيالاۋ، توپىراقتى شىعارۋ جانە ورنىن تولتىرۋ باستالادى. مەردىگەر ۇيىم زارداپ شەككەن كولىكتەردىڭ يەلەرىنە كەلتىرىلگەن زياندى وتەۋگە مىندەتتەندى. جاعداي اكىمدىكتىڭ باقىلاۋىندا.
تاعى ءبىر پروبلەمالىق ۋچاسكە - ماناس پەن جاندوسوۆ كوشەلەرىنىڭ قيىلىسى. ارىق جەلىسى سۋ استىندا قالدى. نەگىزگى سەبەپ-اسفالتتالعان جابىن، بۇل سۋدىڭ اعىپ كەتۋىن قيىنداتۋدا. زارداپتاردى جويۋ ءۇشىن "الماتى تازالىق"مكك بريگادالارى سول جەرگە اتتاندى. ارىقتى تازارتۋ، سۋ اعىزۋ جۇمىستارى جۇرگىزىلدى، قاپشىقتار مەن قورشاۋلار قويىلدى. ارىق جۇيەسىنىڭ ودان ءارى تۇراقتى جۇمىسىن قامتاماسىز ەتۋ ءۇشىن اسفالت جابىنىن اشۋ جوسپارلانىپ جاتىر.
بارلىق سۋ تاسقىنى جويىلدى، كولىك قوزعالىسى قالپىنا كەلتىرىلدى. تۇندە قاۋىپسىزدىكتى قامتاماسىز ەتۋ ءۇشىن 189 بىرلىك تەحنيكا مەن 180 جۇمىسشى كەزەكشىلىك ەتەدى.
"قازگيدرومەتتىڭ" اۋا رايى بولجامى:
- 17 قىركۇيەك – بۇلتتى، جاۋىن-شاشىنسىز، كۇندىز + 18...+20 °C.
- 18 قىركۇيەك - كەي جەرلەردە جاڭبىر جاۋىپ،نايزاعاي وينايدى، تۇندە جانە تاڭەرتەڭ تۇمان، كۇندىز + 16...+18 °C دەيىن.
- 19 قىركۇيەك- اۋا رايى بولجامى وسىعان ۇقساس، كەي جەرلەردە جاڭبىر مەن نايزاعاي، كۇندىز تەمپەراتۋرا +16...+18 °C.