قازاقستان پرەزيدەنتى الەمدىك جانە ءداستۇرلى دىندەر كوشباسشىلارىنىڭ VIII سەزىنىڭ اشىلۋىندا ءسوز سويلەدى، - دەپ حابارلايدى اqshamnews.kz ءتىلشىسى.
قاسىم-جومارت توقايەۆ استانا تورىندە باس قوسقان الەمنىڭ ەڭ بەدەلدى رۋحاني كوشباسشىلارى مەن باسقا دا قاتىسۋشىلارعا ءىلتيپات ءبىلدىرىپ، سەزد جۇمىسىنا قولداۋ كورسەتكەندەرى ءۇشىن العىس ايتتى.
"كيپلينگشە ايتساق، "باتىستىڭ اتى – باتىس، شىعىستىڭ اتى – شىعىس. ولار ەشقاشان ءبىر ارنادا توعىسپايدى". ءبىرقاتار ءىرى مەملەكەتتە بولعان كەيىنگى ۋاقيعالاردى شولىپ وتسەك، مۇنداي ۇيعارىمنىڭ دۇرىس كورىنۋى مۇمكىن. ءبىراق ساياسي فاكتوردى ەشقاشان ەستەن شىعارۋعا بولمايدى. باسقاشا ايتقاندا، باسقارۋشى بيلىكتىڭ مەملەكەتتىك قۇرىلىم تۋرالى تۇجىرىمى مەن تاجىريبەسىن قاپەردە ۇستاعان ءجون. ولار جۇرگىزەتىن ساياساتتىڭ بەيبىت ديالوگتى قولداۋ، مادەنيەتتەردىڭ، ءتۇرلى ءدىن مەن دۇنيەتانىمنىڭ ىقپالداستىعى تۇرعىسىنان ءاردايىم ورىندى ءارى كونسترۋكتيۆتى بولا بەرمەيتىنىن كورىپ وتىرمىز. اسىرەۇلتشىلدىق پەن جالعان ءپاتريوتيزمنىڭ كۇن ساناپ بەلەڭ الۋى الاڭداتپاي قويمايدى. قالىپتاسقان تۇسىنىكتەردىڭ كوز الدىمىزدا وزگەرۋى جاستاردى اداستىرادى. ءبىر جاعىنان ءبىز قۇقىقتىق كونسەرۆاتيۆتى جانە ليبەرالدى يدەولوگيالاردىڭ قاقتىعىسىنا كۋامىز. بۇل ءبىرقاتار ەلدى ساياسي تۇراقسىزدىققا اكەلەدى. قازاقستاندا وسى تەكتەس جاھاندىق پروبلەمالارعا ءجىتى نازار اۋدارىلادى. بۇل – ىشكى ساياساتىمىزدىڭ نەگىزگى وزەگى. ءتۇرلى ەتنوس، ءدىن جانە ۇلت وكىلدەرى اراسىندا تولەرانتتىلىق پەن ءوزارا قۇرمەت ساياساتىن جۇرگىزۋ ماڭىزدى دەپ سانايمىن. "بىرلىگىمىز ءارالۋاندىقتا" ۇستانىمىنا زيان كەلتىرىپ، وعان كۇيە جاققىسى كەلەتىن، سونىڭ ىشىندە مەملەكەتتىك قىزمەتتە جانە قوعامدىق ورىندا ەلىمىزدى تۇراقتى مەكەن ەتەتىن حالىقتاردىڭ ءتىلىن ەركىن قولدانۋعا قارسى ارەكەتتەرگە قاتاڭ توسقاۋىل قويىلادى. وعان "زاڭ جانە ءتارتىپ" قاعيداتىنا ساي قۇقىقتىق باعا بەرىلەدى"، – دەدى قاسىم-جومارت توقايەۆ.
پرەزيدەنت قازاقستاندا سوڭعى جىلدارى اناعۇرلىم ورنىقتى، اشىق ءارى ءادىل ساياسي جۇيە قالىپتاستىرۋعا باعىتتالعان اۋقىمدى وزگەرىستەر دايەكتى تۇردە جۇرگىزىلگەنىن اتاپ ءوتتى.
"ادام قۇقىعىن قورعاۋ سالاسى ايتارلىقتاي كۇشەيدى: كونستيتۋسيالىق سوت قۇرىلىپ، ومبۋدسمەن ينستيتۋتى نىعايدى، ارنايى زاڭدار مەن جارلىقتار شىعارىلدى. جالپىۇلتتىق رەفەرەندۋم كەزىندە ازاماتتارىمىزدىڭ باسىم بولىگى قولداعان 2022 جىلعى كونستيتۋسيالىق رەفورما ساياسي جۇيەمىزدى تۇبەگەيلى جاڭعىرتتى. ءبىز "كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت" قاعيداتىن باسشىلىققا الدىق. پرەزيدەنتتى جەتى جىلعا ءبىر رەت سايلاۋ ءتارتىبى بەكىتىلىپ، سونداي-اق، مەملەكەت باسشىسىنىڭ جاقىن تۋىستارىنا ساياسي لاۋازىم اتقارۋعا تىيىم سالاتىن نورمالار ەنگىزىلدى. بۇدان بولەك جاقىندا قازاقستان حالقىنا ارناعان جولداۋىمدا ەلىمىزدە ءبىر پالاتالى پارلامەنت قۇرۋ باستاماسىن كوتەردىم. بۇل ۇسىنىس حالىق مۇددەسىنە ساي ساياسي جۇيەنى جاڭعىرتۋ نيەتىنەن تۋىنداپ وتىر. "زاڭ جانە ءتارتىپ" تۇجىرىمداماسى نەگىزىندە قوعامنىڭ تۇراقتىلىعى مەن ازاماتتاردىڭ قاۋىپسىزدىگىن قامتاماسىز ەتۋگە ىشكى ساياساتىمىزدا ەرەكشە ءمان بەرىلەدى"، – دەدى پرەزيدەنت.