الماتىدا ءبىلىم بەرۋ مەكەمەلەرىندە وقۋشى ورىندارىنىڭ تاپشىلىعىن قىسقارتۋ ماقساتىندا مەكتەپتەر مەن قوسالقى نىساندار سالۋ، سونداي-اق ءبىلىم بەرۋ وبەكتىلەرىن كۇردەلى جوندەۋ جالعاسۋدا، دەپ حابارلايدى almaty-akshamy.kz
قالا قۇرىلىسى باسقارماسىنىڭ حابارلاۋىنشا، جەتىسۋ اۋدانىندا №103 مەكتەپ - گيمنازيا جانىنان 200 ورىندى قوسالقى نىسان سالىنۋدا. قاجەتتى جابدىقتارى بار وقۋشى سىنىپتارىنان باسقا، جوبادا اسحانا جانە اۋماقتى قوسىمشا كوگالداندىرۋ قاراستىرىلعان. جۇمىستار جاڭا وقۋ جىلى باستالعانعا دەيىن اياقتالادى.
وسى اۋداندا №112 جالپى ءبىلىم بەرەتىن مەكتەپ جانىنان 300 وقۋشىعا ارنالعان ءارى سپورت زالى، اسحاناسى بار قوسالقى نىسان سلاىنۋدا. نىساندى اعىمداعى جىلدىڭ سوڭىنا دەيىن اياقتاۋ جوسپارلانۋدا.
تۇركسىب اۋدانىندا 650 ورىندى قوسالقى نىسانى بار №59 مەكتەپ-گيمنازيا رەكونسترۋكسيالانۋدا. جوبادا اسحانا، گاردەروبتار، 180 ورىندىق اۋديتوريا، وقۋ شەبەرحانالارى، مۋلتيمەديالىق كابينەتتەر جانە سپورت زالى قاراستىرىلعان. جۇمىستىڭ اياقتالۋ مەرزىمى-اعىمداعى جىلدىڭ مامىر ايى.
سونداي-اق، تۇركسىب اۋدانىنداعى "المەرەك"ش/ا №195 مەكتەپ عيماراتى جانىنان 450 ورىندى قوسالقى نىساننىڭ قۇرىلىسى باستالدى. جوبادا مۋلتيمەديالىق كابينەتتەر،سپورت جانە اسحانا زالدارى، سونداي-اق اۋماقتى قوسىمشا كوگالداندىرۋ كوزدەلگەن. نىساندى 2025 جىلدىڭ اقپان ايىندا اياقتاۋ جوسپارلانۋدا.
ناۋرىزباي اۋدانىنىڭ «شۇعىلا» ش-ا № 174 مەكتەپ عيماراتى جانىنان 375 ورىندىق قوسالدقى نىسان سالىنۋدا. جوبادا مۋلتيمەديالىق كابينەتتەر، سپورت زالى، اسحانا جانە باسقا دا قاجەتتى جابدىقتار قاراستىرىلعان. جۇمىستاردى 2025 جىلدىڭ اقپان ايىندا اياقتاۋ جوسپارلانۋدا.
«ءاربىر قوسالقى نىسان - ءىس جۇزىندە جاڭا مەكتەپ. قۇرىلىس كەزىندە زاماناۋي ماتەريالدار قولدانىلادى. جۇمىس ساپاسىن باقىلاۋعا ەرەكشە نازار اۋدارىلادى. سونداي اق قالادا №136، №138، №70، №10، №9 №155» سەيسميكالىق كۇشەيتۋ جانە مەكتەپتەردى كۇردەلى جوندەۋ جۇمىستارى جۇرگىزىلۋدە، - دەپ اتاپ ءوتتى باسقارمادا.
بۇدان باسقا، اعىمداعى جىلدىڭ سوڭىنا دەيىن الاتاۋ اۋدانىندا ەكى مەكتەپتىڭ قۇرىلىسى اياقتالادى. ءبىرىنشىسى-550 ورىندىق «سايالى – 2» شاعىناۋدانىندا، ەكىنشىسى-زەردەلى شاعىناۋدانىندا دا 550 ورىندىق.