پوليسيا تۇركىستان وبلىسىنىڭ 20 جاستاعى تۇرعىنىنان مەفەدروننىڭ ءىرى پارتياسىن تاركىلەدى.
ەسىرتكى ساتۋشىسىن ۇستاۋ ءىس-شاراسىن بۋران-050 پاترۋلدىك ەكيپاجانىڭ كومەگىمەن ەسىرتكى قىلمىسىنا قارسى كۇرەس ءبولىمىنىڭ قىزمەتكەرلەرى جۇرگىزدى. كۇدىكتى Toyota Camry كولىگىمەن جولاۋشى رەتىندە جۇرگەن.
«جەكە ءتىنتۋ كەزىندە كۇدىكتىدەن قۇرامىندا ەرەكشە ءيىسى بار اق ءتۇستى ۇنتاق زاتى بار 25 بۋما تاركىلەندى. ال كولىكتىڭ ىشىندەگى ورىندىق استىنان وسىعان ۇقساس 44 بايلام تابىلدى جانە تاركىلەندى. تاركىلەنگەن زاتتارعا سوت-حيميالىق ساراپتاما جۇرگىزىلىپ، ونىڭ ناتيجەسىندە بۇنىڭ مەفەدرون ەسىرتكى زاتى ەكەندىگى انىقتالدى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارىنىڭ مىندەتىن اتقارۋشى قۋاتبەك ناۋاتوۆ.
اتالعان دەرەك بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.