بوستاندىق اۋدانىنىڭ تۇرعىندارىن ۇزدىكسىز سۋمەن جانە سۋ بۇرۋمەن قامتاماسىز ەتۋ ءۇشىن 2025 جىلدىڭ سوڭىنا دەيىن 4 كوشەدە 6،2 كم ينجەنەرلىك جەلى سالۋ جۇمىستارىن اياقتاۋ جوسپارلانۋدا. بۇل تۋرالى الماتى قالاسىنىڭ اكىمى ەربولات دوسايەۆ اۋدان تۇرعىندارىمەن كەزدەسۋ بارىسىندا مالىمدەدى، دەپ حابارلايدى aqshamnews.kz
2024 جىلى بوستاندىق اۋدانىندا 9 كوشەدە 8،9 كم ينجەنەرلىك جەلى قايتا جاڭارتىلدى.
«تىرشىلىكتى قامتاماسىز ەتۋ جۇيەسىن جاڭارتۋ جانە ينجەنەرلىك ينفراقۇرىلىمدى دامىتۋ ءبىزدىڭ جۇمىسىمىزدىڭ باسىم باعىتتارى بولىپ تابىلادى»، - دەپ اتاپ ءوتتى ەربولات دوسايەۆ.
ونىڭ ايتۋىنشا، ينجەنەرلىك ينفراقۇرىلىمدى كەشەندى دامىتۋ اياسىندا جانە اۋداننىڭ وڭتۇستىك بولىگىنىڭ 25 مىڭنان استام تۇرعىنىن تۇراقتى سۋمەن جانە سۋ بۇرۋمەن قامتاماسىز ەتۋ ءۇشىن 2025 جىلدىڭ مامىر ايىندا ونىمدىلىگى تاۋلىگىنە 9 مىڭ تەكشە مەتر بولاتىن «ەرمەنساي» سۋ قويماسىن سالۋ بويىنشا اۋقىمدى جوبانى ىسكە اسىرۋدى باستاۋ جوسپارلانۋدا. جۇمىستاردى اياقتاۋ 2026 جىلدىڭ سوڭىنا جوسپارلانعان.
نۇرلىتاۋ ش/ا 62 كم سۋمەن جابدىقتاۋ جانە 34 كم سۋ بۇرۋ جەلىلەرىن سالۋ جونىندەگى جوبانىڭ مەملەكەتتىك ساراپتاماسى شىعادى دەپ كۇتىلۋدە.
جالپى الماتى قالاسى بويىنشا 2025 جىلى 260 كم قۇرىلىس جانە 87 كم جەلىنى جاڭعىرتۋ جوسپارلانعان.