الماتى اكىمى دارحان ساتىبالدى قالانىڭ كوشكىن ءقاۋپى بار ۋچاسكەلەرىندە جۇرگىزىلىپ جاتقان جۇمىستار بويىنشا كەڭەس وتكىزدى.
سەيسميكالىق قاۋىپسىزدىك جانە جۇمىلدىرۋ دايىندىعى باسقارماسىنىڭ باسشىسى ەرىك جۇماباي بايانداما جاسادى. باسقارما باسشىسىنىڭ مالىمەتىنشە، قالا شەگىندە كوشكىن ءقاۋپى بار ۋچاسكەلەر انىقتالعان. توتەنشە جاعدايلاردىڭ الدىن الۋ ماقساتىندا ءبىرقاتار ۋچاسكەدە ينجەنەرلىك جۇمىستار باستالىپ، تەحنيكالىق شەشىمدەر ازىرلەنىپ، تۇراقتى مونيتورينگ جۇرگىزىلىپ جاتىر.
جۇمىس كوميسسياسىنىڭ مالىمەتىنشە، 2024 جىلى الماتىدا 28 كوشكىن ءقاۋپى بار ۋچاسكە انىقتالعان. ونىڭ 14-دە اۋدان اكىمدىكتەرىنىڭ قارجىسى ەسەبىنەن نىعايتۋ جۇمىستارى اياقتالدى. بەس نىسان بويىنشا جەردى ساتىپ الۋ ءراسىمى جۇرگىزىلەدى. تاعى تورتەۋىندە قالا قۇرىلىسىن باقىلاۋ باسقارماسىنىڭ تالابى بويىنشا مەنشىك يەلەرى بەتكەيلەردى نىعايتۋ بويىنشا جۇمىستار جۇرگىزىپ جاتىر.
2025 جىلى ەڭ ءقاۋىپتى 9 ۋچاسكەدەگى توتەنشە جاعدايلاردى جويۋ جوسپارى بەكىتىلدى. ولاردىڭ ءارقايسىسى بويىنشا گەوگرافيا جانە سۋ قاۋىپسىزدىگى ينستيتۋتىنىڭ ساراپتامالىق قورىتىندىسى الىندى.
ءقاۋىپتى نىسانداردىڭ قاتارىنا «مەدەۋ» مۇز ايدىنىنىڭ جانىنداعى بەتكەي، مەدەۋ اۋدانىنداعى شىمبۇلاق پەن كەڭساي-2-دەگى اۆتوجول، بوستاندىق اۋدانىنداعى الما-اراسان جولى؛ ناۋرىزباي اۋدانىنداعى ۋسيكوۆ كوشەسى جانە «اقجارتاۋ» باۋ-باقشا قوعامى، سونداي-اق. جەتىسۋ اۋدانىنداعى كەمەل شاعىناۋدانىنداعى زيرات جانىنداعى وزەن ارناسى، قوجامياروۆ كوشەسى بار.
ءىس-شارالار كەشەنىنە تىرەۋ قابىرعالارىن سالۋ، تروستىق-تورلى قۇرىلىمداردى مونتاجداۋ، سۋ بۇرۋ ارنالارى مەن وزەن ارنالارىن نىعايتۋ كىرەدى. كەڭەسكە تجد، قازسەلدەنقورعاۋ، گەوگرافيا ينستيتۋتى، اۋدان اكىمدىكتەرى مەن ءتيىستى باسقارمالاردىڭ وكىلدەرى قاتىستى.
قالا اكىمى جوبالىق-سمەتالىق قۇجاتتامانى ازىرلەۋدى اياقتاۋدى، اسىرەسە، تۇرعىن ۇيلەر مەن كولىك ينفراقۇرىلىمىنا ىرگەلەس ۋچاسكەلەردە شارالاردى ىسكە اسىرۋعا كىرىسۋدى تاپسىردى.
«كوشكىن ءقاۋپى بار ءاربىر ۋچاسكە اۋدان اكىمدەرىنىڭ جەكە باقىلاۋىندا بولۋعا ءتيىس. بۇل جاي عانا اباتتاندىرۋ ماسەلەسى ەمەس، بۇل تۇرعىنداردىڭ قاۋىپسىزدىك ماسەلەسى»، – دەدى دارحان ساتىبالدى.
كەڭەس قورىتىندىسى بويىنشا مونيتورينگتى كۇشەيتۋ، جوبالىق راسىمدەردى جەدەلدەتۋ جانە توتەنشە قىزمەتپەن ۇيلەستىرۋ جونىندە تاپسىرما بەرىلدى.