الماتىدا پوليسيا جول قوزعالىسى ەرەجەسىن بۇزعان قۇقىق بۇزۋشىلاردى انىقتاۋ بويىنشا جۇيەلى تۇردە جالعاستىرۋدا، دەپ حابارلايدى aqshamnews.kz Polisia.kz-كە سىلتەمە جاساپ.
جەرگىلىكتى پوليسيا قىزمەتكەرلەرى 1 تاۋلىكتە يەلەرى بىرنەشە رەت ايىپپۇل تولەۋدەن جالتارعان 6 كولىكتى ۇستادى. ازاماتتاردىڭ بىرىندە 5 ملن 500 مىڭ تەڭگەدەن استام قارىزى بار. تاعى ءبىر Toyota Alphard كولىگىنىڭ جۇرگىزۋشىسىندە 1 ميلليون 086 مىڭ تەڭگە ايىپپۇل. بارلىق اۆتوكولىك مامانداندىرىلعان ايىپپۇل تۇراعىنا جەتكىزىلىپ، يەلەرىنە كورسەتىلگەن مەرزىمدە قارىزدارىن تولىق وتەۋ قاجەتتىگى تۋرالى ەسكەرتۋلەر بەرىلدى.
- جازانىڭ بۇلتارتپاستىعى - جولدارداعى ءتارتىپتى قامتاماسىز ەتۋدىڭ نەگىزگى قاعيداسى. ازاماتتار ايىپپۇلداردى جۇيەلى تۇردە ەلەمەۋ - كولىكتى ۇستاۋدىڭ ءبىر جولى ەكەنىن ءتۇسىنۋى كەرەك. الدىن الۋ جىلىندا ءبىز فورمالدى ەمەس، زاڭدىلىقتى ناقتى ساقتاۋعا تۇراقتى تۇردە كۇش سالىپ جاتىرمىز، - دەدى، الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى تيمۋر نوعايبايەۆ.