الماتى اكىمى باقىتجان ساعىنتايەۆتىڭ توراعالىعىمەن كوروناۆيرۋس ينفەكسياسىنىڭ تارالۋىنا قارسى ءىس-قيمىل جونىندەگى جەدەل شتابتىڭ وتىرىسى ءوتتى، دەپ حابارلايدى almaty-akshamy.kz
قابىلدانعان جۇيەلى شارالاردىڭ جانە حالىقتى ۆاكسينالاۋدىڭ ارقاسىندا دەرتتىڭ اپتالىق كورسەتكىشى 100 مىڭ تۇرعىنعا شاققاندا 169-دان 134،6-عا دەيىن تومەندەدى. جىل باسىنان 10 قازانعا دەيىنگى كەزەڭدە 154،7 مىڭ كۆي جاعدايى، سوڭعى تاۋلىكتە – 326 وقيعاسى تىركەلدى. ونىڭ ۇستىنە وتكەن اپتادا جۇقتىرۋ يندەكسى 0،94-تەن 0،89-عا دەيىن تومەندەدى.
قالانىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ دەرەكتەرى بويىنشا، الماتى حالقىنىڭ يممۋندىق قاباتى شامامەن 53%-دى قۇرادى.
دەمەك، حالىقتىڭ رەسمي سانىنىڭ 45%-ى جىل باسىنان بەرى اۋىرعانداردىڭ +7،7%-ى ەكى كومپونەنتپەن ەگىلدى. بۇل رەتتە قولدانىلاتىن ۆاكسينالاردىڭ تيىمدىلىگى بايقالادى. اعىمداعى جىلدىڭ 10 قازانىنا كۆي ەكى كومپونەنتىمەن ەگىلگەندەردىڭ ىشىنەن تولىق ۆاكسينالاۋ كۋرسىنان وتكەن 892 482 ادامنىڭ 2 717ء-سى اۋىردى، ياعني بارلىعى 0،3%.
اۋىرعانداردىڭ جاس قۇرامىن سالىستىرمالى تالداۋ كەزىندە سوڭعى 2 اپتادا 20-39 جاس ارالىعىنداعى نەعۇرلىم بەلسەندى ازاماتتار اراسىندا سىرقاتتانۋشىلىقتىڭ 1،6%-عا، 40-59 جاس ارالىعىندا – 1،3%-عا، 60 جاستان جوعارى - 0،7%-عا ءوسۋى بايقالادى. بۇل رەتتە 14 جاسقا دەيىنگى بالالار مەن جاسوسپىرىمدەردىڭ سىرقاتتانۋى تيىسىنشە 0،9%-عا جانە 0،6%-عا تومەندەدى.
سوڭعى 7 كۇندە اۋرۋشاڭدىق ءوزىن-وزى جۇمىسپەن قامتىعان جانە جۇمىس ىستەمەيتىن ازاماتتار ەسەبىنەن قالىپتاستى – 27%، زەينەتكەرلەر – 24% (1%-عا ءوستى)، كاسىپورىندار مەن ۇيىمدار قىزمەتكەرلەرى – 22% (1%-عا ءوستى)، وقۋشىلار - 12،3% (3%-عا تومەندەدى) جانە مەكتەپ جاسىنا دەيىنگى بالالار – 4،3% (0،9%-عا تومەندەدى).
وسىلايشا، ماماندار مەكتەپ جاسىنا دەيىنگى بالالاردىڭ ۇيىمداسقان توپتارى اراسىندا اۋرۋ ۇيىمداستىرىلماعاندارعا قاراعاندا 4،4 ەسە تومەن ەكەنىن ايتادى. وففلاين وقۋداعى وقۋشىلاردىڭ ناۋقاستانۋى ونلاين وقۋعا قاراعاندا 10 ەسە تومەن.
جۇقتىرۋدىڭ ناقتىلى انىقتالعان ورىندارى بويىنشا الدىڭعىمەن سالىستىرعاندا سوڭعى اپتادا تۋىستارمەن، كورشىلەرمەن جانە تانىستارمەن بايلانىس كەزىندە تيىسىنشە 0،4% جانە 0،7%-عا تومەندەۋى جالعاسۋدا.
جۇقتىرۋدىڭ ىقتيمال ورىندارى بويىنشا بازارلاردا – 2،8%-عا، ازىق-تۇلىك ساۋدا جەلىلەرىندە، سۋپەر-گيپەرماركەتتەردە – 0،7%-عا، ورامىشىلىك ازىق-تۇلىك ەمەس دۇكەندەردە – 0،6%-عا، قوعامدىق كولىكتە – 1،8%-عا، وتباسىلىق ءىس-شارالاردى وتكىزۋ كەزىندە – 0،4%-عا ءوسۋ بايقالادى.
وتكەن اپتانىڭ قورىتىندىسى بويىنشا، باستى جۇقتىرۋ ورىندارى ساۋدا وبەكتىلەرى – 34%، قوعامدىق كولىك – 20%، وتباسىلارداعى بايلانىستار – 16%، بازارلار – 13% بولىپ تابىلادى.
مونيتورينگتىك توپتار 4-10 قازان ارالىعىندا 195 رەيد جۇرگىزدى، 24 وبەكتىدە كارانتيندىك شەكتەۋلەردىڭ بۇزىلعانى انىقتالدى. 106 حاتتاما تولتىرىلدى، ونىڭ ىشىندە زاڭدى تۇلعالارعا 7 ملن تەڭگەدەن استام سوماعا 21 حاتتاما جاسالدى. بەتپەردە رەجيمىن بۇزعانى ءۇشىن جەكە تۇلعالارعا قاتىستى 3،7 ملن تەڭگەگە 85 حاتتاما جاسالدى.
Ashyq جوباسى بويىنشا اعىمداعى جىلدىڭ 29 قىركۇيەگى مەن 5 قازانى ارالىعىندا جوباعا قاتىساتىن وبەكتىلەردەگى 171 كەلۋشىدە "قىزىل"، 37 كەلۋشىدە "سارى" مارتەبەسى راستالدى. 4-8 قازان ارالىعىندا "قىزىل" مارتەبەسى بار 114 جەكە تۇلعاعا ءوزىن-وزى وقشاۋلاۋ رەجيمىن بۇزعانى ءۇشىن 30 اەك ايىپپۇل سالىندى.
جەدەل شتاب وتىرىسىن قورىتىندىلاعان ب. ساعىنتايەۆ ۆاكسينالاۋ بويىنشا ءتۇسىندىرۋ جۇمىستارىن كۇشەيتۋدى، ءبىلىم بەرۋ نىساندارىنداعى ەپيدەميولوگيالىق احۋالعا مونيتورينگتى جالعاستىرۋدى، شەكتەۋ شارالارىنىڭ ساقتالۋىن باقىلاۋدى جالعاستىرۋدى تاپسىردى. سونىمەن قاتار، دەنساۋلىق ساقتاۋ باسقارماسىنا تۇماۋ مەن ۆاكسيناسيا كۇنتىزبەسىنە كىرەتىن اۋرۋلارعا قارسى ۆاكسينالاۋدى جالعاستىرۋ تاپسىرىلدى.
حابارلانعانداي، 10 قازاندا كوروناۆيرۋس ينفەكسياسىنىڭ 326 جاعدايى تىركەلدى، ونىڭ 315ء-ى سيمپتومدى. ينفەكسيالىق ستاسيونارلاردا 1 565 ادام، ونىڭ ىشىندە 61 بالا جاتىر. رەانيماسيا جانە قارقىندى تەراپيا بولىمشەلەرىندە 150 پاسيەنت جاتىر. ءوجج اپپاراتىندا – 29، ءينۆازيۆتى ەمەس ءوجج – 79، High flow – 28 اپپاراتى قولدانىستا.
بۇگىندە ۇيدە مساك ءموبيلدى بريگادالارىنىڭ جانە تەلەمەديسينا ورتالىعىنىڭ قاداعالاۋىندا 3 297 پاسيەنت بار، سيمپتومدى ناۋقاستار – 3 167.
وتكەن تاۋلىكتە 814 ادام ءبىرىنشى كومپونەنتپەن، 941 ادام ەكىنشى كومپونەنتپەن ەگىلدى.
اعىمداعى جىلدىڭ 1 اقپانىنان 10 قازانىنا دەيىن ءى كومپونەنتپەن 968 197 ادام، II كومپونەنتپەن 885 360 ادام ەگىلدى.