الماتىدا "تۇرعىن ءۇي قاتىناستارى تۋرالى" قازاقستان رەسپۋبليكاسىنىڭ زاڭىنداعى وزگەرىستەر جانە تۇرعىن ءۇي كوممۋنالدىق شارۋاشىلىعى سالاسىنداعى سيفرلىق پلاتفورمالاردى پايدالانۋ قاعيداتتارى بويىنشا ءتۇسىندىرۋ جۇمىستارى تۇراقتى جۇرگىزىلىپ كەلەدى.
قالا اكىمدىگى "كوممۋنالدىق ينفراقۇرىلىم جانە تۇرعىن ءۇي ينسپەكسياسى" باسقارماسى مۇلىك يەلەرى بىرلەستىكتەرىنىڭ (ميب)، پاتەر يەلەرى كووپەراتيۆتەرىنىڭ (پيك) جانە جەرگىلىكتى ءوزىن-وزى باسقارۋ ورگاندارىنىڭ وكىلدەرىمەن ءجيى كەزدەسەدىى. پيك قاۋىمداستىعى، قوعامدىق كەڭەس جانە ب ا ق وكىلدەرى قاتىساتىن اۋدان اكىمدىگىندە بىرنەشە جينالىس ۇيىمداستىرىلدى.
بۇل جۇمىستىڭ باستى ماقساتى – تۇرعىن ءۇي قورىن باسقارۋ سالاسىنداعى اشىقتىقتى، جاۋاپكەرشىلىكتى جانە كاسىبيلىكتى ارتتىرۋ. جاڭا الگوريتمدەر ءميب-تى قۇرۋ جانە تىركەۋ ءتارتىبىن، تىكەلەي بىرلەسكەن باسقارۋدىڭ (تبب) ەرەكشەلىكتەرىن، سونداي-اق باسقارۋشى كومپانيالار مەن پاتەر يەلەرى كووپەراتيۆتەرىنىڭ قىزمەتىنە قويىلاتىن تالاپتاردى انىقتايدى.
تۇرعىن ءۇي ينسپەكسياسىنا ەسەپشوت اشۋ، ينجەنەرلىك جەلىلەردىڭ، جەدەل ساتىلاردىڭ جانە ورتكە قارسى جۇيەلەردىڭ جاي-كۇيىن باقىلاۋ، سونداي-اق باسقارۋ سۋبەكتىلەرىنىڭ تىزىلىمدەرىن جۇرگىزۋ بويىنشا كەڭ وكىلەتتىكتەر بەرىلەدى. ولار تۋرالى اقپارات جەرگىلىكتى اتقارۋشى ورگانداردىڭ ينتەرنەت-رەسۋرستارىندا جاريالانىپ وتىرادى.
تۇراقتى جۇرگىزىلىپ كەلە جاتقان ءتۇسىندىرۋ جۇمىستارى تۇسكەن قارجىنىڭ اشىقتىعىن كورسەتۋگە، ميب ءتوراعالارى مەن باسقارۋشى كومپانيالاردىڭ مەنشىك يەلەرى الدىنداعى جاۋاپكەرشىلىگىن نىعايتۋعا، سونداي-اق تۇرعىن ۇيلەرگە قىزمەت كورسەتۋ ساپاسىن جاقسارتۋعا باعىتتالعان.