ءدىني ەكسترەميزم تۋرالى پوليسەيلەرگە ءدارىس بەرىلدى.
الماتى-1 ستانسياسىنداعى جەلىلىك پوليسيا باسقارماسىنىڭ جەكە قۇرامى اراسىندا جۋىردا “ءبىلىم جانە جاڭا يننوۆاسيالىق تەحنولوگيالار” ورتالىعى ءدىني ەكسترەميزم مەن تەرروريزمنىڭ الدىن الۋ بويىنشا ءدارىس وتكىزدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ءدارىس بارىسىندا الماتى قالاسى ءاقپاراتتىق-تۇسىندىرۋ توبىنىڭ مۇشەسى يسلامتانۋشى نۇرلان مىرزابايەۆ دەسترۋكتيۆتى ءدىني اعىمداردىڭ بەلگىلەرى مەن سول ءدىندى ۇستانۋشىلاردىڭ ادەتتەرى جايلى لەكسيا وقىدى.
سونىمەن قاتار ول ەكسترەميستىك يدەيالاردىڭ تارالۋى، ۇلتتىق جانە ءدىني قۇندىلىقتاردىڭ ءوزارا بايلانىسى تۋرالى كەڭىنەن اڭگىمەلەپ، حالىقتىڭ جالپى مادەنيەتى مەن ءبىلىمىن، ونىڭ ىشىندە كونفەسسياارالىق بەيبىتشىلىك پەن كەلىسىمدى قامتاماسىز ەتۋ ءۇشىن وتباسىندا قۇقىقتىق سانا مەن تولەرانتتى داستۇرلەردى ارتتىرۋدىڭ ماڭىزدىلىعىن اتاپ ءوتتى، جەكە قۇرام اراسىنداعى ءدارىس كەزىندە كولىكتەگى پوليسيا دەپارتامەنتى ەقىقب باستىعى د.م. دىركەنوۆ تا ءسوز سويلەپ، اتالعان تاقىرىپتىڭ كولىكتەگى پوليسيا قىزمەتكەرلەرى ءۇشىن اسا ماڭىزدى ەكەنىن اتاپ ءوتتى. ساراپشىلار ءدارىس سوڭىندا جەكە قۇرامنىڭ وزەكتى سۇراقتارىنا جان-جاقتى جاۋاپ بەردى.