اۋداندى اباتتاندىرۋ اياسىندا بيىلعى جىلى مولداعالييەۆ جانە چەحوۆ كوشەلەرىندەگى جاياۋ سەرۋەندەۋ ايماعى اياقتالدى.
سونداي-اق №6 وقۋشىلار ءۇيىنىڭ جانىنداعى سكۆەر رەكونسترۋكسيادان ءوتتى. بۇل جوبالار بۇدان بۇرىن ساۋرانبايەۆ كوشەسىنىڭ بويىمەن جابدىقتالعان سەرۋەندەۋ ايماعىنىڭ لوگيكالىق جالعاسى بولدى. بۇل تۋرالى تۇركسىب اۋدانى تۇرعىندارىمەن كەزدەسكەن الماتى قالاسىنىڭ اكىمى ە.دوسايەۆ ايتتى، دەپ حابارلايدى Almaty-akshamy.kz.
سونىمەن قاتار، بيىل قازان ايىنىڭ سوڭىنا دەيىن اۋەجاي الاڭىن جوندەۋ جۇمىستارى اياقتالىپ، فونتان، سۋارۋ جۇيەسى ورناتىلىپ، جاياۋ جۇرگىنشىلەر جولدارى جاڭارتىلادى.
ەكولوگيا جانە قورشاعان ورتا باسقارماسى وسى جىلدىڭ سوڭىنا دەيىن سكانديناۆيالىق جاياۋ جۇرىسكە ارنالعان ەكو جولدارى بار باۋم توعايىن اباتتاندىرۋ، شاعىن ارحيتەكتۋرالىق فورمالاردى ورناتۋ بويىنشا؛ رەكرەاسيالىق جانە جاعاجاي ايماقتارىن جايلاستىرۋ، جاياۋ جۇرگىنشىلەر كوپىرلەرىن جاڭارتا وتىرىپ، ۇلكەن الماتى كانالىن اباتتاندىرۋ بويىنشا؛ سونداي-اق «كىشى الماتى» وزەنىنىڭ بويىنداعى جاياۋ جۇرگىنشىلەر-سەرۋەندەۋ ايماعىن اباتتاندىرۋ بويىنشا (مايلين كوشەسىنەن قالا شەكاراسىنا دەيىن) جوبالاۋ-سمەتالىق قۇجاتتامانى ازىرلەيتىن بولادى. جوبالاردى ىسكە اسىرۋ 2024 جىلدىڭ IIء-شى توقسانىندا باستالادى، -دەدى ەربولات دوسايەۆ.